Read anuak Dut Pwøc 128 Bible Online

Dut Pwøc 128 - anuak bible

Dut Pwøc 128

¹Manøgø beeye duut Cølöman, ni beeye duut wääth man wø wär ni jøw iitha thuur ni jøw cøøa Øt Wuuö Jwøk. Gwïëth en jï jiy bëët mo wø bëëdö ni ge lwäära Wuuö Jwøk, ni beege jø wø caath jööre.

²Ki køør tïïc mano tïïyï, ïïno jïti ki cam, ni mïn yiï, ni tïm bëëtö marï ni beer.

³Cïïï otïmö kaamar jaath mo duunnö ki nyïëdi paarï, ni tïm obwöre moï ni thööth ya akaaŋ.

⁴Ka adïëri møn, manøgø beeye gwïëth, beeye gwïëth man wø joot ŋat wø bëëdö ni lwäära Wuuö Jwøk.

⁵Wuuö Jwøk ïïno gwïëdhe ki yi Dhayan, ni jootï bëëny Dhayan, eni na Jerucalem, ki yïth nïr kwøw moï bëët.

⁶Obwöre moo nywøl nyïïï jootï joodø. Bëët-mëër oen bäät jø Icriel.