Read anuak Dut Pwøc 13 Bible Online

Dut Pwøc 13 - anuak bible

Dut Pwøc 13

¹Manøgø beeye duut Deebit. ?Wui Wuuö Jwøk, a këël kany mo nyïëdi nø noo bëëdï ni wïïï owïl ki aani? ?Aŋø, wïïï wïl ki aani na bäre bäre møn? ?A këël kany mo nyïëdi nø noo kanï täärnyïmï ki aani?

²?A këël kany mo nyïëdi nø noo bëëda naa cädö ki cwïnya, ni cwïnya kïmmö cooth ki yïth nïne bëët? ?A këël kany mo nyïëdi nø noo bëët nyimänna ni wïïe ee tïŋ maal bääta?

³Wui Wuuö Jwøk, ï na Jwøa, cädï kipera ni løgï mara, kwøw aani, naa ba buta ni mara thøø,

⁴kiper nee nyimän mara ba kööe, ni «Ena bööta,» nee yïth nyïïmän 'moa ba mïnge kiper ränynyö mara.

⁵'Ba aani, a bëëdö naa ŋäätha mëër marï ni wø ba jøøl; yia wø mïnnö kany wø piemï aani.

⁶Aani, a wär ki duut jïrï, ï na Wuuö Jwøk, kiper bëëtö mara atïïyï ni beer.