Read anuak Dut Pwøc 130 Bible Online

Dut Pwøc 130 - anuak bible

Dut Pwøc 130

¹Manøgø beeye duut wääth man wø wär ni jøw iitha thuur ni jøw cøøa Øt Wuuö Jwøk. Wui Wuuö Jwøk, a kwaya ïïni, kiper a ena yïth gïï mo leth døc.

²Wui Wuuö Jwøk, wïny dwøra, ni cegï ïthï ki kwac mara.

³?Wui Wuuö Jwøk, doo na ï bëëdö niï kwara gïïa näk obøth, aŋa na doo maar cuŋŋö nyïmï ni ree bäŋ ajäla?

⁴'Ba ï wø bëëdö niï wëënna jiy, kiper nee bëëtge ni ge wøøra ïïni.

⁵A bëëdö naa koora Wuuö Jwøk ki cwïnya bäre, ni luumme yaa ŋäädhö.

⁶A bëëdö naa koora Wuuö Jwøk ki cwïnya bäre, ni kaala man wø ö jø koorri wø manyge øw nee laar ruuö; adïëri møn, dïkuye moøgø yaa kaalø ki koor.

⁷'Ba u na jø Icriel, bëëdu nou ŋäätha Wuuö Jwøk, kiper mëër mo ba jøøl joota baŋ Wuuö Jwøk, ni køny mo dwøŋ ena baŋe.

⁸Eni jø Icriel owïïl wøk yïth gïïa bacge bëët.