Read anuak Dut Pwøc 137 Bible Online

Dut Pwøc 137 - anuak bible

Dut Pwøc 137

¹Waana pï piny bäät näp Babiløn ni jwöŋwa kanya caarwa gïr Dhayan.

²Thøme mowa alïërwa maal røk jenni paanøgø.

³Kiper jøøa mak waani ki tøŋ, ge manynya man wärwa ki dudi jïge kaace, ni ö geni na caan waani ni manyge dut met ec baŋwa, ni köge, ni «Wärru jïwa ki duut pou ma Dhayan.»

⁴?Aŋø, duut mar Wuuö Jwøk owärwa gø nidïï ni wa ena po juurre?

⁵Wui, ï na Jerucalem, ni näk mo wïïa owïl ki ïïni, wär cer cwïïa bäbe.

⁶Wui, ï na Jerucalem, Ni näk mo aano tïmö naa ba lääŋ ïïni, ni ba guma ïïni cwïnya ni kaala jap wø met yia ki ge bëët, leeba wär tal maal.

⁷Wui Wuuö Jwøk, par wïïï ki gïna tïïc jø Ëdömmi dïcäŋa päth Jerucalemmi; kiper gena kwöŋŋö ni köge, ni «Nyaau paanøgø piny, nyaau paanøgø piny, këël mano ränynye na bäre bäre.»

⁸U na jø Babiløn, u ni wø räänyö, gwïëth en jï ŋato cool kwör dëëtu, noo tïïö dëëtu ki teeŋ gïna tïïyu dëëtwa.

⁹Gwïëth en jï ŋato jaaŋ obwöre mou moa therø, ni gøc geni ki ri kïte.