Read anuak Dut Pwøc 141 Bible Online

Dut Pwøc 141 - anuak bible

Dut Pwøc 141

¹Manøgø beeye duut Deebit. Wui Wuuö Jwøk, a kwaya ïïni; laar rwänh baŋa! Cek ïthï ki kwac mara.

²Beerra man ö lammi mara ni pïïe baŋï kaamar jïrö mar gïn wø waaŋ ni wø ŋwääi ni met, ni ö thaaŋ cenø man wø thaaŋa ceŋŋa baŋï ki gø ni jïëyï gø kaamar olämi man wø cïp ka abøøya.

³Wui Wuuö Jwøk, gwøk dhaa, ni koorï luup mo wø cur yie.

⁴Kär cwïnya wëëk ciin køør raay, naa ba tïma naa tïïya gïï mo reyø, ni ba dwäta ki jø wø tïïc gïïögø, ni ba cämwa ki geni kany wø wøørge juu moge.

⁵Beerra man ö ŋata beerri ni pwöt aani ni mare pwöc ki køør mëër mare, 'ba kär wïïa wïïr ki maaw mar jøøa reyø, kiper a poot lämö nee gïï wø tïïcge na reyø nee ränyge.

⁶Kanyo leeŋ kwääri moge piny ki bäät kïte, nyeŋ jøøa reyø bany ni putge gø ŋäc ni luumma met.

⁷Cuu moge okeethi dhøk kääk, kaamar jenni mo opetø piny.

⁸Wui Wuuö Jwøk, ï na kwäärö mara, a poot neeta jïrï; raa yaa kan buutï; kär jwïëya wëëk ränynyö.

⁹Gwøk aani naa ba pätha ya abïëp mana no ocek jøøa reyø kipera, ni mänï aani ki ciin ya akupa marge.

¹⁰Beerra man ö jøøa reyø ni magi ya thøøli moa cekge, ni pöödha ni bäŋ gïn mo tägi dëëra.