Read anuak Dut Pwøc 142 Bible Online

Dut Pwøc 142 - anuak bible

Dut Pwøc 142

¹Manøgø beeye duut Deebit. A jwöŋö dëër Wuuö Jwøk, ni kwaaya eni ni dwøra yaa tïŋ maal.

²Ni gwäära yia wøk bäre jïre, naa cara gïïa näk aano ööl ki geni jïre.

³Kany wø bëëda ni bääta opädhö, gïn tïïa ŋäya ïïni. Jöö man wø cäädha ki yie, ocïŋ jiyi ka abïëp.

⁴Kanya raŋa bäät cwïïa ni neena gø døøc, bäŋ dhaanhø mo caar gïra, ni bäŋ kany kana raa yie, ni bäŋ ŋat cädö kiper jwïëya.

⁵Wui Wuuö Jwøk, a jwöŋö dëërï, naa köö, ni «Beeye ïïni ni wø kana raa buute, ni beeye ï keerï na kura gø bäät pinyi en.

⁶Cek ïthï ko oduuru mara, kiper aano dwøk piny døc. Käl aani wøk ceŋ jø wø caan aani, kiper ge teek døc ni kaala aani.

⁷Käl aani wøk ki yïth gïïa twöc aani, kiper nee nyeŋŋï pwøa. Køøre jøøa beyø oööi ni cooŋge rege buuta kiper gïïa beyø na tïïyï kipera.»