Read anuak Dut Pwøc 149 Bible Online

Dut Pwøc 149 - anuak bible

Dut Pwøc 149

¹Alëluya, pwøc en jï Wuuö Jwøk. Wärru jï Wuuö Jwøk ki duut mo nyään, ni pwøyu eni dï acooŋ jø wø bëëdö ni cwïnyge ena køøre.

²Beerra man mïn yïth jø Icrielli ki Jwøa cwääc geni, ni ö geni na jø Dhayan ni kwöŋge ki met ec kipere, eni na nyeya marge.

³Beerra man pwøcge eni ki meeŋ, ni wärge ki dut pwøc jïre ni ge pöödö ki thøme ka anëët.

⁴Kiper Wuuö Jwøk yie wø mïnnö ki jiye, ni piem jøøa en yïth gïï mo leth, ni mooc geni ka ajiem.

⁵Beerra man ö jø wø bëëdö ni cwïnyge ena køør Wuuö Jwøk ni kanyge ni yïthge met ki køør ajiem mana jootge, ni wärge ki dudi ni yïthge met kwör niine moge.

⁶Beerra man pwøcge Jwøk ki pwøc mo dwøŋ, ni ceŋge da opëëlle mo deŋge karge riet beth,

⁷kiper nee kwöri coolge dëët wïth juurre, ni jäälge jøøgø ni tïïge ki gïï mo leth dëëtge;

⁸kiper nee nyeye mo jøøgø twöcge ki tiimme, ni twöcge kwääri moge ko oguudi;

⁹na ajäla mana no ogöörö kiper jøøgø nee tïïcge; ni tïm gïïögø na ajiem kiper jiye na näk cwïnyge ena køøre. Alëluya, pwøc en jï Wuuö Jwøk.