Read anuak Dut Pwøc 28 Bible Online

Dut Pwøc 28 - anuak bible

Dut Pwøc 28

¹Manøgø beeye duut Deebit. Wui Wuuö Jwøk, a cøøra nyeŋŋï; ï na teek mara, kär ïthï dhïŋï ki dwøra. 'Ba ni näk miï lïŋö niï ba cäänö ki aani, a tïmö kaamar jø wø ci yi bwörö.

²Wïny kwac mara kany wø jwöŋa dëërï kiper køny, kany wø thaaŋa ceŋŋa maal kuna näk da kar bëëtï na en kur keere.

³Kär a ŋøl wøk na aciel ki jø raay, ni beege jø wø tïïö ki gïï mo reyø, ni wø cäänö kere ge cäänö ka mëër, 'ba yïthge da gïï mo reyø.

⁴Beerra man cunnï geni ki køør tïïe moge, ki køør raay moa tïïcge. Cun geni ki køør gïïa tïïcge ki ceŋge, ni coolï ka køør mana no orømø ki geni.

⁵Geno raanynyï møn, ni ba dwøgï bëëtö marge kare këët, kiper mana näk ge ba cädö kiper tïïe moï, ï na Wuuö Jwøk, moa näk iï tïïö ki cerï.

⁶Pwøc en jï Wuuö Jwøk, kiper kwac mara awïnynye.

⁷Wuuö Jwøk beeye teek mara, ni eni caala kwöt leny jïra; eni wø ŋäädha ŋäädhö, ni køny aani. Kiper manøgønø, cwïnya wø tïmö ni met, ni pwøa eni ki duuda.

⁸Wuuö Jwøk beeye teek mar jiye, ni eni bëëdö na dïkunyi mo teek jï ŋat wø wï gø thïïmme ki maaw ni wø røønye na nyeya.

⁹Wui Wuuö Jwøk, piem jiy moï ni gwïëthï geni; bëëdï ni ïïna dïkwääy marge, ni käärï geni cooth.