Read anuak Dut Pwøc 29 Bible Online

Dut Pwøc 29 - anuak bible

Dut Pwøc 29

¹Manøgø beeye duut Deebit. Jiemmu Wuuö Jwøk, uuni ni bëëdö maal; jiemmu Wuuö Jwøk ki køør ajiem mare ki teek mare.

²Jiemmu Wuuö Jwøk ka ajiem mana näk orømø ki nyeŋŋe; wøørru Wuuö Jwøk kiper eni ena kur keere.

³Dwør Wuuö Jwøk wïnyö bäät näpa døøŋŋø, ni ö dwøre, eni na Jwø ajiem, ni märe, ni tïm dwøre, eni na Wuuö Jwøk, ni wïnyö bäät näm bëët.

⁴Dwør Wuuö Jwøk teek døc; dwør Wuuö Jwøk wïnyö ni yie da ajiem mo päl.

⁵Dwør Wuuö Jwøk jenni moa døøŋŋø di tøyø; kare møn, Wuuö Jwøk jer lur Libaanø moa døøŋŋø di tøyø.

⁶Eni kïte mo Libaanø di jäŋö, ni tïmge kaamar nyïïrøøe mo bïëdö, ni tïïc Kïn Ciriyön ni jäŋŋi kaawat man wø bïët nyi jööbi.

⁷Dwør Wuuö Jwøk daaŋ kaamar agaackøth.

⁸Dwør Wuuö Jwøk paap di jäŋö, Wuuö Jwøk paap Kadëc di jäŋö.

⁹Dwør Wuuö Jwøk jenni moa døøŋŋø di jäŋö, ni jaaŋ bäätge, ni put jiyi bëët moa en yi øt lam mare kwöŋŋö, ni köge, «Na ajiem en jï Wuuö Jwøk.»

¹⁰Ööny jwïïnynya dwøŋ ena cer Wuuö Jwøk, Ka adïëri møn, Wuuö Jwøk bëëdö bäät wälu na nyeya na bäre bäre.

¹¹Wuuö Jwøk wø cïpö ki teek jï jiye. Wuuö Jwøk jiye wø gwïëdhe gwïëdhö, ni jïtge ki bëët-mëër.