Read anuak Dut Pwøc 4 Bible Online

Dut Pwøc 4 - anuak bible

Dut Pwøc 4

¹Manøgø beeye duut mana cak Deebiti kanya päär wøk ni ŋwieya wääde ma Abëcëlöm. (2 Camiel tiel 15—18) Wui Jwøk, wïny dwøra kany wø kwaa ïïni, kiper beeye ï wø ŋun aani. Aana kønyï kanya ena yïth gïï mo leth; nyooth met ec marï jïra, ni wïnynyï lam mara.

²?'Ba u na jiy, a këël kany mo nyïëdi nø noo bëëdu nou jøøŋŋa aani? ?Naa këël kany mo nyïëdi nø noo bëëdu nou poot mëër ki luup mo oballe jaak, nou cara tööt?

³'Ba ennø, beerra man ŋäyu gø ni Wuuö Jwøk jø wø bëëdö ni cwïnyge ena køøre ee cïp kur keerge na moe. Këël aani, kany wø kwaa Wuuö Jwøk, dwøra wø wïnynye wïnynyö.

⁴Këël dëëtu doo tïmö ni miel ki wëër, käru bääyö; cädu ki cwïnynyu kany wø enu kwör niine mou, ni döötu ba wïnyi.

⁵Cïpu ko olämme ma karge nou bëëdö ni bëëtö maru beer, ni ŋääthu Wuuö Jwøk.

⁶Jiy mo thööth wø köö, na «?Aŋa noo nyooth gïn mo beer jïwa?» 'Ba ï na Wuuö Jwøk, wëëk tac täärnyïmï rieny bäätwa.

⁷Met ec mo dwøŋ akïthï cwïnya, ni kaala met ec mar jø wø bëëdö ni yïthge met kany wø tïm beelli ki kwøk nyïïjenni moge ni thööth.

⁸A buta piny ni yia met, ni laar nyeŋŋa gämmö, kiper beeye ï keerï, ï na Wuuö Jwøk, ni wø tïïc aani naa bëëda ni bäŋ gïn tägi dëëra.