Read anuak Dut Pwøc 43 Bible Online

Dut Pwøc 43 - anuak bible

Dut Pwøc 43

¹Manøgø beeye duut wäät Köra. Wui Jwøk, ŋun aani, ni cwagï aani ceŋ jø wø ba wøør ïïni, ni kälï aani wøk ceŋ jø cwøk ki ceŋ jø wø wïthge reyø;

²kiper beeye ïïni na Jwøk ni wø kana raa buute. ?Aperŋø ni kwierï aani en? ?Na aperŋø ni bëëda naa kïmmö en kiper gïïa leth na tïïc nyimän?

³Beerra man jääŋŋï tar marï ka adïëri marï, kiper naa bwøthge, ni kïthge aani bäät kïnnï na en kur keere na näk kar bëëtö marï.

⁴Køøre nø, aano ci kany wø en gïn wø cïp olämme bääte marï yie, ï na Jwøk, ni ööa baŋï, ï ni wø mooc aani ki met ec mo päl døc, ni pwøa ïïni ki thoom, ï na Jwøk mara.

⁵?'Ba aperŋø nø ni bëëda ni cwïnya opädhö? ?Na aperŋø ni bëëda ni wïïa ree ee kierø en? Beerra man raŋŋa jï Jwøk, ni bëëda naa pwøya eni, eni na dïkunyi mara ni beeye Jwøk mara.