Read anuak Dut Pwøc 44 Bible Online

Dut Pwøc 44 - anuak bible

Dut Pwøc 44

¹Wui Jwøk, luup moa caan kwäcwa jïwa awïnywa ni beege gïïa tïïyï yïth nïra beetge ya acääŋŋe cøøn.

²Ïïni ki dëërï kiree wïth juurre ariemï wøk, ni këëllï tiet kwäcwa piny; ni tïïï dëët wïth juurre ki gïï mo leth, ni tïïyï kwäcwa nee ge nyaacge.

³Geni, piny kär ci jïge kiper jap leny moa en ceŋge, ni ge kär käädhö kiper teek marge, 'ba beeye kiper teek marï ki leec nyïmï, kiper ï mëër ki geni.

⁴Ïïna nyeya mara, ni bee ï na Jwøk mara, dïïm wø cïpa ïïni jïwa, wa jø dhi øt Jeekap.

⁵Nyïïmän mowa riemwa riemmø ki køørï, ni böötwa jø wø ö maal bäätwa ki nyeŋŋï.

⁶Kiper a ba ŋäädhö ko opëëllö mara, ni jap leny 'moa ba ŋäädha naa dege kønyø.

⁷'Ba beeye ïïni na køny waani ceŋ nyïïmän mowa, ni lääï wïth jø wø män ki waani.

⁸Wui Jwøk, wa bëëdö ni wa jïëmö ki nyeŋŋï cooth, ni wa bëëdö ni wa pwøya nyeŋŋï na bäre bäre.

⁹'Ba kawaane waana kwierï ni lääï wïthwa, niï ba cii ki jø leny mowa baŋ leny.

¹⁰Waana tïïyï nee wa reŋwa ŋäthwa ki nyïïmän mowa, ni twierge jammi mowa.

¹¹Waana cïpï nee wa ŋarge kaamar dïëk, ni keethï waani dï wïth juurre.

¹²Jiyï agathï ni gätge jööt jaak, ni kanya dwøgï ge pwödhö bäŋ gïn ege duuö.

¹³Waana tïïyï ni waana jø jøøŋ jø atuti mowa, ni tïïyï wa na gïr ŋeethø na gïr tuuk jï jøøa en buutwa.

¹⁴Waana tïïyï na gïr aŋaada dï wïth juurre, ni tïmwa ni waana gïr abuua jïge.

¹⁵Cooth a bëëdö ni aano päädö, naa bëëdö ni wïïa olääö

¹⁶ki luup jø wø jøøŋ waani ki jø wø jany waani, ki jø wø män ki waani, ki jø wø raŋ waani ka agääde.

¹⁷Gïïögø bëët apïï bäätwa, 'ba wïthwa kär wïl ki ïïni, ni luumma tuutï ki waani kärwa kaalø.

¹⁸Cwïnywa kär døø cään, ni wa kär gaa wøk jöörï.

¹⁹'Ba waana raanynyï kany mo raac, ni kïthï waani kany mo cøl ma kar thøø.

²⁰?Aŋø, ï na Jwøk marwa, doo na wïthwa owïl ki ïïni, ni thaaŋwa ceŋwa baŋ jwøk mør mo path,

²¹ba diï ŋääö? Kiper jap wø en cwïny bëët ŋäyï.

²²'Ba beeye kiperï ni bëëtwa ni wa di nääŋŋö cooth, ni waano tïmö kaamar dïëk mo di ŋarø en.

²³Päyï, ï na Wuuö Jwøk. ?Ï butï kiper ŋø? Ö maal, kär wa kwierï na bäre bäre.

²⁴?Aperŋø ni kanï täärnyïmï en? ?Na aperŋø ni wïl wïïï ki caannø marwa ki bëëtö marwa ni teek en?

²⁵Waana nø ränynyö ni nø päthwa yi tør, ni yïthwa ogääbö ki ŋøøm.

²⁶Ö maal ni kønyï waani, ni wïïlï waani wøk ki køør mëër marï ni wø ba jøøl.