Read anuak Dut Pwøc 45 Bible Online

Dut Pwøc 45 - anuak bible

Dut Pwøc 45

¹Manøgø beeye duut wäät Köra. Aana cääö ki duut mo beer ki cwïnya bäre, naa cäŋŋa nyeya; ni tïm leeba ni caala peen mar ŋat göör mo waŋe riek døc.

²Ï na nyeya, wøp mar kïdö marï kaala mar jiy bëët, ni luup mo wø ö wøk ki dhiï met, kiper mana näk ïïno gwïëth Jwøki na bäre bäre.

³Ïïni na teek, twöö opëëllö marï pierï, niï nyootha ajiem marï ki wödö marï.

⁴Beerra man cäädhï niï aa kuna böötï jiy ni ïïna nyeya mo owøørø, nee adïëri ki bëët mööl ki bëëtö mo beer nee nyaacge, ni tïïï ki tïïe mo rëëma ec ki køør teek marï.

⁵Dhøk athëëre moï opaaø ni beth, ni ge wø pïïa bäät weny mo nyïïmän moï, ni ö wïth juurre ni päthge tietï.

⁶Ï na Jwøk,[3] wälu marï bëëdö na bäre bäre, na athøra mar kwär ena cerï, niï bëëdö niï ŋøla luup ki ŋøl ma kare.

⁷Ï mëër ki bëëtö mo beer niï män ki raay; kiper manøgønø, Jwøk ni beeye Jwøk marï ïïna mooe ki met ec ni mïn iï niï kaala nyeye møga bëët.

⁸Abïïe moï bëët ŋwääö ni met ki riia; ni jø wø pöödö ki thøme yiï wø tïïcge tïïö ni met yi øt nyec mo oŋwaŋŋø ki tuk lïëy.

⁹Nyïï nyeye dagø dï mään moa näk owøørø ni wø en buutï, ni bäät cwïïï gwanynyø cuŋŋö yie ni dëëre päŋ ki warkey mo käla Öpïr.

¹⁰Ï na gwanynyø, wïny mara, ni cegï ïthï, ni lääŋŋï gø; beerra man wïl wïïï ki jø pou ki tuuŋ wäru,

¹¹køøre nyeya yie omïnni ki mïërö marï. Wøør eni, kiper ena kwäärö marï.

¹²Jic Tayar ïïno jeethge, ni ö jøøa näk okwär ni mwøthge ïïni.

¹³Nyi nyeya mano tïmö ni gwanynyø ennø mïërö døc, ni dëëre da abïï mo ree da warkey.

¹⁴Ni kïthi baŋ nyeya ni dëëre da abïï kït, ni ö nyïïakuue moa näk lwöp moe na caath køøre ni kïthi baŋ nyeya thuwø;

¹⁵ni ge bwøth ka met ec ki kanynyø, ni dønyge øt nyec.

¹⁶Ïïni na nyeya, wäätï oläw kar kwäcge, ni røønyï geni na kwääri mo bäät piny bäre.

¹⁷Nyeŋŋï otïïa ni ŋäc ki yïth beenhnhe bëët; kiper manøgønø, jiy obëëdö ni pwøya ïïni na bäre bäre.