Read anuak Dut Pwøc 53 Bible Online

Dut Pwøc 53 - anuak bible

Dut Pwøc 53

¹Manøgø beeye duut Deebit, mana caae kanya ö Döweeki nyï Ëdöm na ö kuna caan gø jï Cøøl ni Deebit anø ci po Ayemëlëk. (1 Camiel 22:6-23) Jiy mo wø cäänö ki cwïnyge, ni «Bäŋ Jwøk», gena bøøre. Gena jiy mo oränynyö, ni ge temma gïï mo reyø, ni bäŋ ŋat mo tïïö ki gïn mo beer.

²Jwøk aräŋŋö ki maal ni raaŋa bëët jø bäät piny, ni ge raaŋe kaper nee jïte ki mo wïïe leer, mo manynya eni, eni na Jwøk.

³'Ba ge bëët, geno nø gaa wøk, ni geno nø tïmö ni ge reyø bëët, ni bäŋgø mo tïïö ki gïn mo beer, këël dhaanhø aciel kiree, bäŋgø na bäre bäre.

⁴?Aŋø, jøø ni tïïö ki gïï mo reyø yøø bäŋ gïn mo ŋäcge, ni camge jap jiya kaawat man wø cam møø jaak en, ni nyeŋ Jwøk ba cwølge?

⁵'Ba kaace ge tïmö ni ge lwäär døc ki lwär mo ge poot kär lwäyö ki gø cøøn, kiper Jwøk nyïïmän mou cuu moge keethe keethø, Ni lääu wïthge, kiper geno kwier Jwøki.

⁶Beerra man ö Jwøki ni wø bëëdö Dhayan ni piem jiye ma jø Icriel, ni ö jø Icrielli, ni beege nyïïkwaac Jeekap, ni mïn yïthge kanyo ö Jwøki noo dwøk bëëtö marge kare.