Read anuak Dut Pwøc 54 Bible Online

Dut Pwøc 54 - anuak bible

Dut Pwøc 54

¹Manøgø beeye duut Deebit. Wui Jwøk, køny aani ki køør nyeŋŋï, ni ŋunnï aani ki køør teek marï.

²Wui Jwøk, wïny lam mara, ni cegï ïthï ki luup mo wø cara.

³Kiper juurre rege anø thïïŋge dëëra, ni ö jøøa no ogäy ni cacge man raanyge jwïëya, jø wø bäŋ gïn caarge kiperï, ï na Jwøk.

⁴Adïëri møn, Jwøk beeye dïkunyi mara, ni bee eni ni wø en jwïëya cere.

⁵Nyïïmänna ocunne kiper gïïa reyø na tïïcge, ni raany geni, kiper mare adïëri.

⁶Wui Wuuö Jwøk, olämi cïba cïbö jïrï ki met ec, ni pwøa nyeŋŋï, kiper ï beer.

⁷Kiper aana kønyï yïth gïïa leth bëët, ni jooda nyïïmänna ni geno böötö.