Read anuak Dut Pwøc 55 Bible Online

Dut Pwøc 55 - anuak bible

Dut Pwøc 55

¹Manøgø beeye duut Deebit, mana caae kanya ö jø Dhip na öge kuna caange gø jï Cøøl, ni «Deebit ree ee kan buutwa.» Wui Jwøk, wïny lam mara, ni ba taagï kwac mara.

²Cek ïthï ni wïnynyï mara. Wïïa ree ee cwödhö ka acaara, ni ö wïïa ni kier ree,

³ki dööt nyïïmänna, ki jøøa reyø ni wø thiel aani piny; kiper gena kän bääta ki gïï mo leth, ni gootge ni mänge ki aani.

⁴Cwïnya apädhö ki pädhö mo dwøŋ døc, ni lwäya ki lwäc thøø.

⁵A bëëdö naa lwäär ni dëëra kwanynyi, ni ö lwärri mo dwøŋ døc ni bööt aani.

⁶Ni kööa ki cwïnya, ni «Doo na jïra da bwöm kaamar akuuru ennø, a doo määta kanymør naa jïta ki jwöm.

⁷Ka adïëri møn, a doo reŋŋa kany mo bäär, ni bëëda dï paap jaak.

⁸A doo laar läät kany kana raa yie, nee kara tïme ni bäär ki geni ni wø räänyö kaawat man wø tïïc jamø ka atuunna.»

⁹Wui Wuuö Jwøk, raany acaare moge, ni pääï dhøkge, kiper gïï mo leth ki lenye ajooda ni tägö dï pääny.

¹⁰Waŋcäŋ ki wäär ge bëëdö ni ge wïdö dï kiir mar pääny, ni beeye kany wø bëëdö ni temma gïï mo leth ki jap rääö yie,

¹¹na aranya ena yie kiree, këël ŋwöny jiy ki cwøk, ba aay dï uutjïëthe moe.

¹²Doo na beeye nyimänna na jøøŋ aani, doo løny jïra ki man jïënya luumme; doo na beeye ŋat mo män ki aani na tïïc dëëre ni dwøŋ bääta, doo løny jïra ki man kana raa ki gøøni.

¹³'Ba beeye ï na näk röömi ki aani kiree, ŋato näk aano dwätö ki gøøni, na nyawatwa mana ŋäcwa cwïnywa ki gø,

¹⁴ni wara wääwa ki waac mo met ki gø na aciel, ni wara cääthwa Øt Jwøk ki gø na aciel ni wa ena dï lwaak mo dwøŋ.

¹⁵Beerra man cwöp thøøe dëët nyïïmänna, ni leeŋ ge yi bwörö ni ge poot kwøw; kiper raay atïmö ni bëëdö kany wø bëëtge yie.

¹⁶'Ba aani, Wuuö Jwøk cwøla cwølø, ni ö eni ni køny aani.

¹⁷A wø lämö naa jwöŋö ka abøøya ka amöölla ki dhöör, ni ö eni ni wïny dwøra.

¹⁸Këël na bëëde ni da jiy mo thööth mo män ki aani, eni, a käle wøk ni bäŋ gïn mo otägö dëëra ki yi leny mano këël ki aani.

¹⁹Jwøk, ni beeye na wää pinynyi cøøn, lam mara di wïnynyö ni jääl geni; kiper gena jiy mo bëëtö marge ba wiilge, ni ge ba lwäär ki Jwøk.

²⁰Nyawatwa aöö maal bäät jøøa bëëdö ki bëët-mëër ki eni, ni raany gïna tuude ki geni.

²¹Luumme jööm ni kaala maar dhieŋ, 'ba cwïnye poot caara leny. Luupe pøøth ni kaala maaw, 'ba bëëdö ni beth kaamar opëëllö.

²²Gïna peek na en bäätï cïp cer Wuuö Jwøk, køøre ï kønye kønyø; eni, ba løny jïre ki man wëëk ŋat mo mare adïëri pädhö.

²³'Ba ïïni na Jwøk, jiy mo wø nääö ki jiy, ki jø cwøk, geno tïïyï nee laarge thøø ni nïne moge poot kär päŋ. 'Ba aani, a bëëdö naa ŋäätha ïïni.