Read anuak Dut Pwøc 61 Bible Online

Dut Pwøc 61 - anuak bible

Dut Pwøc 61

¹Manøgø beeye duut Deebit mana caae kanya këëde ki jø Aram-Naarim ki jø Aram-Dhöba, ni ö Jöapi ni døøe ni 'näk jø Ëdöm ma kume apaar kurriiø yi Goor Acäbö. Wui Jwøk, wïny oduuru mara, ni cegï ïthï ki lam mara.

²Aani, a cøøra ïïni kany bëëda ni kara bäär ki paac en, ni cwïnya opädhö. Kan aani buutï, ï na teek,

³kiper ï wø bëëdö na kar kan røk jïra, ni nägï kar gwøk røk jïra kiper nyïïmänna.

⁴Tïïc aani naa bëëda kar bëëtö marï na bäre bäre, ni kana raa tiet bwöpï.

⁵Ï na Jwøk, gïïa kööŋa ki ge ri lam awïnynyï, ni gïï wø cïpï jï jø wø lwäär ki ïïni acïpï jïra.

⁶Meet nïr kwøw mo nyeya, ni këët cwiiri moe ri beenhnhe moo ööi.

⁷Beerra man bëët nyeya na bäre bäre nyïmï, ï na Jwøk, ni gwøgï eni ki køør mëër marï ni wø ba jøøl ka adïëri marï.

⁸Køøre aano wär ki duut naa pwøya nyeŋŋï cooth, nee gïïa kööŋa ki geni tïïa ki yïth nïne bëët.