Read anuak Dut Pwøc 63 Bible Online

Dut Pwøc 63 - anuak bible

Dut Pwøc 63

¹Manøgø beeye duut Deebit. Wui Jwøk, beeye ïïni na Jwøk mara; a wø manynya køørï. A bëëdö naa manynya ïïni kaawat man wø manynya pïï ni aano 'näk riewi. A bëëdö naa lääŋŋa ïïni paap, kany ni bëëdö no otal ni bäŋ pïï yie en.

²Jïrï araŋa kar bëëtö marï na en kur keere, kiper nee teek marï ka ajiem marï jooda.

³Ï pwøa pwøø ki dhaa, kiper mëër marï ni wø ba jøøl letha pere ki kwøw;

⁴a bëëdö naa pwøya ïïni ki yïth nïr kwøwa bëët, ni thaaŋa ceŋŋa maal naa lama ïïni.

⁵Yia atïmö ni met kaamar dhaanhø mo ojäŋ ki cam mo met, ni wära ni yia met naa pwøya ïïni.

⁶Kany wø para ïïni naa ena kar niine mara, ï lääŋŋa lääŋŋö ki dï wäär bäre.

⁷A wär ki dudi ni yia met tiet bwöpï, kiper ï bëëdö na dïkunyi mara,

⁸A bëëdö ni aano göök dëërï, naa iï jølø ki cer cwïïï.

⁹'Ba jø wø many man raanyge jwïëya, ge cøøa piny tiet ŋøøm.

¹⁰Geno cïp ceŋ jøw 'näk geni ko opëëlle, ni tïmge na cam jï odïï.

¹¹'Ba nyeya yie omïnni ki Jwøk, ni ö jø wø kööŋ ŋëët Jwøk bëët ni kanyge; 'ba jø wø cäänö ki tööt, dhøkge omec.