Read anuak Dut Pwøc 67 Bible Online

Dut Pwøc 67 - anuak bible

Dut Pwøc 67

¹Beerra man ö Jwøki ni nyooth met ec mare jïwa ni gwïëth waani, ni wëëk tac täärnyïme rieny bäätwa,

²ni ö jööre ni tïme ni ŋäc bäät piny, ni tïm kønynyi mare ni ŋäc dï wïth juurre bëët.

³Wui Jwøk, beerra man ö jiyi ni pwøcge ïïni; beerra man ö jiyi bëët ni pwøcge ïïni.

⁴Beerra man mïn yïth juurre ni wärge ni yïthge met, kiper luup jiy wø ŋølï na adïëri, ni bwøthï wïth juurre moa en bäät piny.

⁵Wui Jwøk, beerra man ö jiyi ni pwøcge ïïni; beerra man ö jiyi bëët ni pwøcge ïïni.

⁶Ŋøøm aduunnö ki caammi; Jwøk, ni beeye Jwøk marø, bëëdö ni gwïëtha øøni.

⁷Jwøk ø gwïëdhe gwïëdhö, ni ö jø bäät pinynyi bëët ni lwäcge ki eni.