Read anuak Dut Pwøc 70 Bible Online

Dut Pwøc 70 - anuak bible

Dut Pwøc 70

¹Manøgø beeye duut Deebit. Wui Jwøk, beerra man piemï aani, Wui Wuuö Jwøk, laar rwänh kuna kønyï aani.

²Jøøa many man 'näkge aani, beerra man lää wïthge ni kier wïthge. Jøøa yïthge met ki caannø mara, beerra man riem geni ni räny nyeŋge.

³Beerra man ö jø wø buu aani ni bwøk cwïnyge ki køør lään wïc marge.

⁴'Ba jø wø cac ïïni bëët, beerra man mïn yïthge ki ïïni ni kanyge, ni ö jø wø yïthge met ki køny marï ni cäänge ni nøøcge nøøyø, ni ge köö, ni «Dwøŋŋa Jwøk; dwøŋŋa Jwøk!»

⁵'Ba aani, aano caannø naa can; 'ba ï na Jwøk, laar rwänh baŋa. Bee ï ni wø køny aani, ni bee ï ni wø piem aani; Wui Wuuö Jwøk, kärï ruu.