Read anuak Dut Pwøc 75 Bible Online

Dut Pwøc 75 - anuak bible

Dut Pwøc 75

¹Manøgø beeye duut mar Acaap. Wui Jwøk, wa pwøya ïïni; wa pwøya ïïni møn, kiper karï cään ki waani; ni ö jiyi ni køpge tïïe moï na näk rëëma ec.

²Jwøk aköö, ni «Kanyo tïme na kanya näk yaa jierø, luup ŋøla ŋølø na karge.

³Kanyo leeny pinynyi ki jiy moa en yie bëët, beeye aani noo tïïc gø nee cuŋŋe ni teek.

⁴Aana köö jï jø ŋwøc, ni ‹Käru ŋwöö›, ni kööa jï jøøa reyø, ni ‹Kär wïthu tïŋu maal.

⁵Kär wïthu tïŋu maal, ni ba cäänu nou ŋaya ŋutu.› »

⁶Kiper dööŋ-kar dhaanhø ba käl jï løø kur tuul-cäŋ wala jï løø kur pänh-cäŋ, ni ba käl paap thuwø.

⁷'Ba beeye Jwøk keere ni wø ŋøl luup, ni wø dwøk maya piny ni tïŋ maya maal.

⁸Kiper cer Wuuö Jwøk da athöönh ajäla, ni yie da køøŋø mo keec mo onø twaaø, ni cïp gø nee maath jøøa reyø mo bäät piny bäre, këël alage moe bëët.

⁹'Ba aani, gïr Jwø Jeekap okøba cooth, ni wära ki duut pwøc jïre.

¹⁰Jwøk teek mar jøøa reyø bëët raanynye raanynyø, 'ba teek mar jøøa beyø meede meedø.