Read anuak Dut Pwøc 76 Bible Online

Dut Pwøc 76 - anuak bible

Dut Pwøc 76

¹Manøgø beeye duut mar Acaap. Jwøk ŋäc dï Juuda, ni nyeŋŋe bëëdö ni dwøŋ dï Icriel.

²Øtø mare ena Calem,[6] ni beeye kar bëëtö mare bäät Kïn Dhayan.

³Kaace athëëre mo nyïïmän atøye, ni tøc kööt leny, ko opëëlle, ki jap leny bëët.

⁴Ï na Jwøk, ï bëëdö ni ïïno rieny, na ajiem marï kaala ajiem kïte mo wø bëëdö na bäre bäre.

⁵Jø wø bëëdö ni teeka geni nyïm leny, japge akäl, ni putge thøø, ni bäŋe gïn mo oløny jïge ki tïïc këët.

⁶Wui Jwø Jeekap, ki køør mana mänï geni, okwëënyi ki jïëth leny mo wø tutge adööŋ ni cuŋŋö jaak.

⁷Beeye ï keerï, ï na Jwøk, na doo lwäärö. ?Aŋa ni løny jïre ki man cuŋŋe nyïmï kany wø wëërï?

⁸Luum ŋøl acaanï niï ena maal, ni ö jø bäät pinynyi bäre ni lwäcge ni lïŋge.

⁹'Ba kanya ööï maal niï ŋøla luup, jøøa can moa en bäät piny apiemï.

¹⁰Ka adïëri møn, këël wëër mar jiy tïmö ni duua pwøc jïrï, ni tïm aŋuun wëërri ni ena cerï.

¹¹Kööŋŋu jï Wuuö Jwøk, eni na Jwøk maru, ni tïïyu gïïa kööŋŋu kiperge jïre. Beerra man ö wïth juurre moa karge cään ki eni ni böönhge nyïme, eni na doo lwäärö.

¹²Eni bäät kwääri di bäädhö, ni ö nyec bäät pinynyi ni lwäärge eni.