Read anuak Dut Pwøc 79 Bible Online

Dut Pwøc 79 - anuak bible

Dut Pwøc 79

¹Manøgø beeye duut mar Acaap. Wui Jwøk, juurre paarï atukge, ni raanyge øt lam marï na en kur keere, ni tïïcge gø ni ba waany, ni tøkge Jerucalem.

²Rïk dëët jiyï acïpge jï wec maal na cam, ni cïpge rïk dëët jiyï na cwïnyge en køørï jï lääc paap.

³Rem moge akønyge piny kaamar pïï dï Jerucalem bäre, ni bäŋ ŋat mo koony geni.

⁴Waana tïmö na gïr ajøøŋ jï wïth juurre moa en deŋwa, ni ŋeethge bäätwa ni buuge wa.

⁵?Wui Wuuö Jwøk, a këël kany mo nyïëdi noo poodï niï wëër? ?Naa këël kany mo nyïëdi nø noo bëët cwïnyï ni keec no oäpö kaamar maac?

⁶Kïth wëër marï bäät wïth juurre moa näk ï kucge, ni beege mïëri moa näk nyeŋŋï ba cøørge;

⁷kiper geni waana thöörge, wa na jø po Jeekap, ni raanyge kar bëëtö marwa.

⁸Kär gïïa reyø na tïïc kwäcwa kïth bäätwa; 'ba beerra man laarï mëër marï nyooth jïwa, kiper waano dwøk piny døc.

⁹Køny waani, ï na Jwø wø piem waani, ni piemï waani ni wëënnï raay mowa, kiper nee nyeŋŋï jïte ka ajiem.

¹⁰?Aŋø, juurre doo köö møn na age Jwøge? Beerra man coolï kwör rem jiyï na øc piny, nee ŋäc wïth juurre, ni jootwa gø thuwø.

¹¹Beerra man wïnynyï cooyø mar jø twöc; ni gwøgï jøøa näk thøø oŋøl bäätge ki køør teek badï na dwøŋ.

¹²Wui Wuuö Jwøk, dwøk ajøøŋ mar wïth juurre moa en deŋwa bäätge kwöre abïriiø, ni beeye ajøøŋ mana jøøŋge ïïni ki gø.

¹³Køøre waani na jiyï, ni wø kwaayï kaamar pïïth dïëk moï, ï pwøcwa pwøø cooth, ni caanwa gïr pwøc marï jï beenhnhe bëët.