Read anuak Dut Pwøc 8 Bible Online

Dut Pwøc 8 - anuak bible

Dut Pwøc 8

¹Manøgø beeye duut Deebit mana caae jï Wuuö Jwøk kiper Kuuc nyï Benjamen. Wui Wuuö Jwøk, ï na kwääcwa, bäät piny bäre wøøra nyeŋŋï, ni maal bäre iï pääŋö ka ajiemï.

²Teegï anyoothï jï nyïïmännï ki køør luup mo wø car obwöre moa therø këël moa näk poot dhøøth, kiper nee nyimän ki ŋat wø many cool kwör nee joogï.

³Wui Wuuö Jwøk, kany wø raŋa maal na tïïyï ki cerï, ki dwääy ki ceer na näk iï cïp kwörge,

⁴a wø cädö ki cwïnya, ni kööa, ni «?Dhaanhø agïnaŋø, ni lääŋŋï gø en, ni o dhaanhø agïnaŋø, ni gwøgï gø en?»

⁵'Ba kare atïïyï ni dwøŋ, ni caatha køør nyïïatwiet maal ki kany mo thiinh, ni røønyï gø ka ajiem ki wödö.

⁶Ena røønyï bäät gïïa tïïyï bëët ki cerï, ni cïbï jammi bëët cere,

⁷ni beege dïëk ki dhäk bëët, ki lääc paap thuwø,

⁸ki weny ki rec, ki gïï wø bëëdö yi naama dwøŋ bëët.

⁹Wui Wuuö Jwøk, ï na kwääcwa, bäät piny bäre wøøra nyeŋŋï.