Read anuak Dut Pwøc 82 Bible Online

Dut Pwøc 82 - anuak bible

Dut Pwøc 82

¹Manøgø beeye duut mar Acaap. Jwøk aöö ni pï piny dï acooŋa mare, ni ŋøl luup yïthakic dïŋut luup, ni kööe,

²na «?A këël kany mo nyïëdi nø noo ŋudu ki ŋøl mo patha kare, nou bëëdö nou jëënyö nou ena kur jøøa reyø?

³'Ba ennø, ŋunnu jøøa jïge bäŋ teek ki moa näk kïïe, ni tïïyu mana beer jï jøøa no ocaannø ki moa näk bäŋ jammi jïge.

⁴Kønynyu jøøa jïge bäŋ teek ki moa can, ni piemmu geni ceŋ jøøa reyø.»

⁵Bäŋ gïn mo ŋäcge ni tier luubö ba kwanyge, ni ge bëëdö ni ge cäädha yi muudhö jaak; ni tïm pinynyi ni raac.

⁶Jwøk aköö, ni «U bëët uuna wääta, a na Jwøa Dwøŋ ni en Maal, ni uuni thuwø, uuna juu.

⁷'Ba u thøw kaawat man wø thøw jiyi, ni thøwu kaawat man wø thøw kwääri.»

⁸Wui Jwøk, ö maal ni ŋølï luup piny, kiper wïth juurre bëët beege moï.