Read anuak Dut Pwøc 85 Bible Online

Dut Pwøc 85 - anuak bible

Dut Pwøc 85

¹Manøgø beeye duut mar wäät Köra. Wui Wuuö Jwøk, met ec anyoothï yi ŋöömmï, ni dwøgï bëët jic Jeekap kare.

²Gïïa bac jiyï awëënnï, ni buŋï raay moge.

³Wëër mana wëërï ki gø aweyï, ni kwierï wëër marï ni wø liel kaamar maac.

⁴Wui Jwøk, ï na pïëmi marwa, dwøk bëëtö marwa kare, ni weyï gootø marï ki waani.

⁵?Aŋø, ï puta bëëtö ni ïïno wëër ki waani na bäre bäre? ?A wëër marï, poot bëëdö na bäre bäre këël yïth beenhnhe bëët moo ööi?

⁶?Aŋø, wa ba cäŋï mooyø ki kwøw, nee wa na jiyï, yïthwa mïnge ki ïïni?

⁷Wui Wuuö Jwøk, nyooth mëër marï ni wø ba jøøl jïwa, ni piemï wa.

⁸Aani, ïtha ciia ciiø ki mano caan Wuuö Jwøki, ni beeye luum bëët-mëër mano caane jï jiye, jøøa cwïnyge en køøre; 'ba beerra man ba døøge øtjöör bøøl.

⁹Ka adïëri møn, eni jøøa lwäär ki eni pute ka piem, ni ö ajiemmi mare ni bëëde yi ŋöömö marø.

¹⁰Mëër man wø ba jøøl ki bëët adïëri rööpö na aciel, ni ö bëët bëënynyö ki bëët-mëër ni dwätge.

¹¹Bëët adïëri tägö bäät piny, ni ö bëënynyö ni ööe ki maal ni ö piny.

¹²Ka adïëri møn, Wuuö Jwøk gïïa beyø di cïbö, ni ö ŋöömö marø ni ciee ki caammi.

¹³Bëënynyö mare bwödhö nyïme, ni tïm køør tiete na jöö.