Read anuak Dut Pwøc 87 Bible Online

Dut Pwøc 87 - anuak bible

Dut Pwøc 87

¹Manøgø beeye duut Deebit. Wuuö Jwøk pääny mare ageer bäät Kïn Dhayan na en kur keere.

²Eni mëër ki Jerucalem, na no ogeer bäät kïnnögø, ni kaala kwör bëëte mo wø bëët nyïïkwaac Jeekapi yïthge bëët.

³Wui, ï na pääny Jwøk, gïï mo duua ajiem di carø kiperï.

⁴Wuuö Jwøk aköö, ni «Ki røk wïth juurre moa ŋäc aani, Reeyap na näk Ijep ki Babiløn beege noo kwaana. Ni ö jø Pilitin ki jø Tayar ki jø Ithiöpia ni købi ni ge nywølla Jerucalem.»

⁵Luubö mano caan jiyi kiper Dhayan beeye ni ŋati en ki ŋatøce nywølla yie; ni ö Jwøa Dwøŋ ni en Maal ki dëëre ni këël tier gø piny ni teek.

⁶Kanyo ö Wuuö Jwøki noo göör nyeŋ wïth juurre piny, eni köö, ni «Jø paani nø ki jø paani nø nywølla Dhayan.»

⁷Ni ö jø wø wär ki dudi ki jø wø kudhö ko opele bëët ni köge, ni «Ï na pääny Jwøk, gïï wø manywa bëët jootwa baŋï.»