Read anuak Dut Pwøc 97 Bible Online

Dut Pwøc 97 - anuak bible

Dut Pwøc 97

¹Wuuö Jwøk bëëdö na nyeya; beerra man ö jø pinynyi ni mïn yïthge, ni ö mïëri moa en kwöra bäyö ni kanyge.

²Pøøl ki muudhö mo cøl ena cielge dïër; bura mare cuŋŋa ri bëënynyö ki ŋøl ma kare.

³Maac mo liel bwödhö nyïme, ni thöör nyïïmän moe kwöra enge yïthge bëët.

⁴Malø mare piny di meenyø bäre, ni ö pinynyi ni tïme ni kwanynyi.

⁵Kïte leeny kaamar gaga nyïm Wuuö Jwøk, eni na wää pinynyi bäre.

⁶Gïr beenynye caan maalli caanø, ni ö ajieme ni neeni wïth juurre bëët.

⁷Jøw bëët mo wø wøør gïï lam moa näk otieŋø, wïthge olääi, ni beege jø wø töödö kiper juu mo oballe; 'ba nyïïatwiet maal bëët, ge wø bëëdö ni ge wøøra eni.

⁸Wui Wuuö Jwøk, gïr ŋøl marï awïny jø Dhayan ni mïn yïthge, ni ö mïëc Juuda ni kanyge.

⁹Kiper beeye ïïni na Wuuö Jwøk na karï dwøŋ bäät piny bäre, ni karï dwøŋ døc niï kaala juu bëët.

¹⁰Uuni ni wø mëër ki Wuuö Jwøk, männu ki gïï mo reyø; eni jø wø cwïnyge en køøre jwïëcge di gwøø, ni piem geni ceŋ jøøa reyø.

¹¹Tar di meenyø jöör jøøa beyø, ni mooc jø wø cwïnyge thïïŋ ki met ec.

¹²U na maru beer, bëëdu ni yïthu met ki Wuuö Jwøk, ni pwøyu nyeŋŋe na en kur keere.