Read anuak Dut Pwøc 99 Bible Online

Dut Pwøc 99 - anuak bible

Dut Pwøc 99

¹Wuuö Jwøk bëëdö na nyeya; beerra man tïm jiyi bëët ni dëëtge kwanynyi. Eni ajiem nyec mare wø nyoodhe nyoodhø ki yïthakic nyïïatwiet maal moa cwøl ni kirubëlli; beerra man ö pinynyi ni tïme ni jäŋŋi.

²Wuuö Jwøk kare dwøŋ Dhayan, ni dwøŋŋa kare bäät wïth juurre bëët.

³Beerra man pwøcge nyeŋŋe na dwøŋ ni wø lwäärö ki gø; bee eni na en kur keere.

⁴Wui Wuuö Jwøk, ï na nyenynya teek, ï mëër ki ŋøl luup ma kare; ŋøl luup mo thïïŋ atïïyï nee bëëde ni nut, ni nyoothï adïëri ki ŋøl luup ma kare po nyïïkwaac Jeekap.

⁵Tïŋu nyeŋ Wuuö Jwøk maal, eni na Jwøk marø, ni wøørru eni kanya näk køøm tiete; bee eni na en kur keere.

⁶Modhe ka Aran, këël Camiel thuwø, ge ena dëët dïlämme moe, ni ö geni ni cøørge nyeŋŋe. 'Ba kanya cøørge nyeŋŋe, eni na Wuuö Jwøk, eni marge aløøe jïge.

⁷Ena cäänö ki geni ni eni ena yi pöölö mo ree ee wenyø; gïïa ceme jïge agwøkge, këël ciik moa cïbe jïge.

⁸Wui Wuuö Jwøk, ï na Jwøk marwa, marge aløgï jïge, ni bëëdï ni ïïna Jwøk miï wëënna geni, 'ba gïïa bacge adwøgï wïthge.

⁹Tïŋu nyeŋ Wuuö Jwøk maal, eni na Jwøk marø, ni wøørru eni bäät kïnne na en kur keere, kiper Wuuö Jwøk, Jwøk marø, ena kur keere.