Read anuak Pwöc Leec Wïc 29 Bible Online

Pwöc Leec Wïc 29 - anuak bible

Pwöc Leec Wïc 29

¹Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

²Kany wø thöönh jøøa marge beer ni jïge da teek, jiy yïthge wø mïnnö, 'ba kanyo en teeki cer ŋata raac, jiy wø cooyø.

³Ŋat wø mëër ki leec wïc wø duua met ec jï wänni, 'ba ŋat wø cäädhi ki kääpe raanynya jape.

⁴Nyeya paac wø këël piny ka køør ŋøl ma adïëri, 'ba nyeya man wø jwäk jiy ki teek wø raanynya paac.

⁵Ŋat wø cäänö kiper watge ni ee tøøtø, wø ciia abïëp kwör tiet watge.

⁶Ŋat mo raac wø pätha ya abïëbe keere ki køør gïïa baye, 'ba ŋata mare beer wø bëëdö ni wär ki dudi ni yie met.

⁷Ŋat mo mare beer pïëmö kiper ŋøl mar jøøa can, 'ba ŋata raac teeŋ acaara ma enønø ba ci wïïe.

⁸Jø abuua wëër wø dhäya ge dï pääny, 'ba jøøa wïthge leer wëër wø jookge jooø.

⁹Kany wø ö ŋat mo wïïe leer wø cige kar løøk ki ŋat mo wïïe känni, ŋata wïïe känni wø wëëyö ni ŋïëre bäät ŋatøgø, ni luubö ba caan ni beer.

¹⁰Jø wø køny rem jiy piny män ki ŋat mo mare tiir, ni ge manynya jwïëc jøøa marge thïïŋ.

¹¹Ŋat mo wïïe känni wëër mare wø pute ka nyooth, 'ba ŋat mo wïïe leer wëër mare wø di kanø.

¹²Ni näk kwäärö ïthe di ciiø ki luup tööt, jøøa kwörge døøŋŋø bëët moa en tiere tïmö ni reyø.

¹³Gïn mo rwöpa ŋata can ki ŋat wø caar jiy beeye en, geni bëët nyeŋge amooc Wuuö Jwøki ki tar.

¹⁴Ni näk nyeya luup jøøa can di ŋølø na karge, wälu mare këëta piny na bäre bäre.

¹⁵Acwäät ki juuk cïpö ki leec wïc, 'ba nyilaal mo bëëdö ka wïïe wø duua lään wïc jï menni.

¹⁶Kany wø tïm jøøa reyø ni thööth, gïï wø bac jiyi tïmö ni thööth thuwø, 'ba jøøa marge beer, ränynyö mar jøøa reyø oneenge.

¹⁷Pwöny wäädï, køøre ïïno jïti ki jwöm ki køøre, ni døøc cwïnyï mo met.

¹⁸Kany mo køp dwør Jwøk ocuŋŋö yie, jiy wø bëëdö ka wïthge jaak, 'ba jø wø gwøk ciik Jwøk, gwïëth ena bäätge.

¹⁹Ŋat tïïc bäŋ wø köömmi ki luubö keere, kiper këël dee wïnynyö, eni bäŋ wø jïëy.

²⁰?Ŋat wø laar luubö jøl dhi dhaanhø ajootï? Da ŋäädhe mo thiinh kiper ŋat mo wïïe känni ni kaala teeŋ ŋatøgø.

²¹Ŋat wø gool ŋat tïïc mare ni ba luumme, ka aŋuudi beeye pänh cwïny noo joot.

²²Ŋat wëëye pïëm wø di tääö, ni ö ŋat wø laar wëër ni bac gïï mo thööth.

²³Atöör mar dhaanhø, dhaanhø wø dwøge piny, 'ba ŋat mo bëëdö ni dëëre ee dwøk piny wø jïtö ki wödö.

²⁴Ŋat ma nyawat kuuwi, mare män ki jwïëy moe, ni eni ba kööŋ ki man caan gïna ŋääe.

²⁵Ki man lwäärö ki dhaanhø beeye abïëp jï dhaanhø, 'ba ŋat wø ŋääth Wuuö Jwøk bëëdö no ogwøø.

²⁶Jiy mo thööth wø manynya leec nyïm baŋ kwäärö, 'ba ŋøl ma adïëri wø joot dhaanhe baŋ Wuuö Jwøk.

²⁷Jøøa marge beer yïthge reyø ki jø wø tïïc gïï mo reyø, ni ö jøøa reyø ni raac yïthge ki jøøa marge thïïŋ.