Read anuak Aydheea 15 Bible Online

Aydheea 15 - anuak bible

Aydheea 15

¹'Ba luumma nyooth Wuuö Jwøki kiper jø Möap beeye en: Ëër na näk pääny Möap aränynyö, araanynyi ki wäär aciel! Kir na näk pääny Möap aränynyö, araanynyi ki wäär aciel!

²Ni ö jø Möapi mo wø bëëdö pääny Dibön ni cige kuna jwöŋge yïth uut jwøk marge bäät thuuri; ni ö geni ni gööge ko oduuru bäät päänye moge møga, ni beege Nebø ki Medeba. Ni ö jïëc wïthge bëët ni gwäärge ge wøk, ni lielge jïëc tïkge bëët.

³Ni bëëtge nyeŋ jïëthe moge ni keece ege dwøl dëëtge; ni ge bëët, ge bëëdö ni ge göö ko oduuru ni pï nyeŋge lwöra piny, ni ge bëëdö bäät uudi moge ki kwöra laac dï pääny.

⁴'Ba jø Ëcbön ki jø Eliyali gena göö ko oduuru thuwø, këël mana wïny döötge jöör Jäc bäre. Kiper manøgønø, jø leny mo Möap gena put jwöŋö døc ni cwïnyge opädhö.

⁵'Ba aani cwïnya atïmö ni kïmmö kiper jø Möap, kiper jiye moa bwøk gena reeŋø këël mana pïïcge Dhöär ki Ëglat-Celicia, ni iithge thuur Lukith ni ge cäädhi ni ge göö ko oduuru. Ka adïëri møn, jöör Örönaim acaathge ni ge göö ko oduuc kïmmö kiper ränynyö marge.

⁶'Ba pïï mo Aguul Nimrim onø talø, ni luum mana en kaace otal. Ni gïïa no otuy bëët oränynyö, ni bäŋ gïn mo mar.

⁷Kiper manøgønø, gena aay ni jammi moa en jïge na thööth na näk ege kaannø käärge käärö këël mana ŋølge waŋ Naam Erabim.

⁸Ni ö oduuru marge ni gääp dï ŋööm Möap bäre, këël mana pïïe Eglam ki Bëër-Elim.

⁹Kiper pï Naam Dimön agääbö ki remø bäre. 'Ba aano cäŋ kïth bäät Dimön ki gïn mør mo leth. Ŋuu ojääŋŋa yïthakic jø Möap moa no obwøk ki moa no odööŋ yi ŋöömö marge.