Read anuak Aydheea 20 Bible Online

Aydheea 20 - anuak bible

Aydheea 20

¹'Ba yi cwiina ö Caargøn nyeny Aciria na jääŋ kwääc lwaa leny mana cwøl ni Tartan yi paana cwøl na Acdöt, ni këëde ki jø paanøgø ni mak gø,

²kar kaaca Wuuö Jwøk onø cäänö ki Aydheea wär Amöth ni kööe, ni «Pät keeca wøk mana näk iï dwøl dëërï ni kälï war wøk moa en tietï.» Ni ö Aydheea ni put gïnögø tïïc, ni cäädhe ki dëëre, ni bäŋ war tiete.

³Køøre Wuuö Jwøk aköö, ni «Kaawat mana ö dhaanhnha ma Aydheea na bëëde ni cäädhi ka dëëre, ni bäŋ war tiete ki cwiiri adäk, manøgø beeye nyuudhi kiper gïno tägi dëët jø Ijep ki jø Kuuc.

⁴Kiper nyeny Aciria jø Ijep ki jø Kuuc moa näk ee maa ki tøŋ 'okäle ni aae ki geni, ni beege obwöre ki jø døøŋŋø, ni ge käl ni ge cäädhi ka dëëtge ni thääthge ena wøk, ni bäŋ war tietge, ni put tïmö na lään wïc mo dwøŋ døc jï jø Ijep.

⁵Køøre jiy bëët puta lwäyö døc ni lää wïthge kanyo täk gïnögø dëët jø Kuuc na näk ege ŋäädhö, ki dëët jø Ijep na wara ŋwöge kiperge.

⁶Kanyøgønø, jiy mo wø bëëdö mïëc jø Pilitin na en deŋ naama dwøŋ ge köö, ni ‹Neennu, jiy moøgø beege jiy moa wara ŋäädhø na wara reŋŋø baŋge kiper køny, nee ø piemge cer nyeny Aciria. ?'Ba ennø, øøni, øøno bødhø nidïï?› »