Read anuak Aydheea 39 Bible Online

Aydheea 39 - anuak bible

Aydheea 39

¹'Ba kar kaaca nyeny Babiløn ma Merödak-Baladan o Baladan ajääk baŋ nyeya ma Edhekaya ki weeli ki muuy, kiper ee wïnynyö ni nyeya ma Edhekaya otuu ni nø jöön dëëre.

²'Ba Edhekaya jiy moa jääŋŋi apänhnhe ki met ec, ni nyooth jammi bëët jïge moa en yi øt kän mare, ni beege gwel-bïrö, ki warkey, ki gïï wø ŋwääi wø tïïc kadø ni met, ki maaw mo pere leth, ki jap leny moe bëët, ki jammi moe bëët moa perge leth. Bäŋ gïrpiny mo ena yi øde wala mo ena tier buc nyec mare mo odööŋ mo käre nyoodhø jïge.

³Køøre nyikuŋ Jwøk ma Aydheea aö baŋ nyeya ma Edhekaya ni kööe jïgø, na «?Aŋø, jøøgø ge carge ŋø? ?Ge kälge kaa?» Ni løgi ya Edhekaya, ni «Gena ö baŋa ni ge käla paac mo bäär døc; ge käla Babiløn.»

⁴Ni cäŋ pëëö, na «?Agïïaŋø na neenge yi øtø marï?» 'Ba aløk Edhekaya, ni «Jammi bëët moa en yi øda ajootge; ni bäŋ gïn mo odööŋ røk jammi moa en kwör kän 'moa mo kära nyoodhø jïge.»

⁵'Ba Aydheea aköö jï Edhekaya, ni «Wïny dwør Wuuö Jwøk, eni na wïth jammi bëët,

⁶Wuuö Jwøk aköö, ni ‹Ka adïëri møn, da nïne mo öö mo jammi bëët moa en yi øtø marï, ki moa no okan kwäre moï yïth uut kän ki mana täge ya acääŋŋe këël dïcäŋi en, ge jwïëa Babiløn, ni bäŋgø mo wec.

⁷'Ba nyïïkwaayï møøk moo käl dëërï kiree, ge di maaø ki tøŋ ni dïn geni, ni tïmge na jø tïïc yi paan dwøŋ mar nyeny Babiløn.› »

⁸Køøre Edhekaya aköö jï Aydheea, ni «Dwør Wuuö Jwøk mana caanï beer.» Kiper Edhekaya acaare ni kööe, ni «Da bëët-mëër ki bëëtö mo beer yïth nïne 'moa.»