Read anuak Aydheea 4 Bible Online

Aydheea 4 - anuak bible

Aydheea 4

¹'Ba dïcäŋeca, mään abïriiø dïcwøø aciel ogamge ni köge jïgø, ni «Beerra man tïmï ni ïïna cøwa, nee laac wïc marwa nee aae bäätwa; 'ba cam mano camwa ka abïïe moo käärwa ojootwa baŋwa keerwa.»

²'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

³'Ba jiy moo dööŋ yi Dhayan noo bëëdö Jerucalem, ge di cwølø na jiy mo ena kur keerge na mo Jwøk mo nyeŋge ogöör piny kiper kwøw yi Jerucalem.

⁴Wuuö Jwøk raay mo määr Dhayan penye penyø, ni peny remø mana køny piny dï Jerucalem ki køør teek ajäla mare ka ajäl maac mano käle ki ri Jwïëye.

⁵Køøre Wuuö Jwøk pöölö mo näga jïrö wëëge nirwöc ki dïcäŋ bäät Kïn Dhayan bäre ki jiy moa näk rege ege cooŋ bääte, ni ö tarri mar leep maac ni wëëk gø rieny bäät gø ki wäär; ni ö ajiem mana en bäät Dhayan bäre ni bëëde no ouumö ki gïn mo caala rëëbi.

⁶Ni tïme kaamar abïla man wø cïp tïpö ni wø gëëŋ jiy ki lïëth piny mar dïcäŋ, ni bëëde na kar kan røk man wø gwøk jiy ka atuunna ki køth.