Read anuak Edhikiel 9 Bible Online

Edhikiel 9 - anuak bible

Edhikiel 9

¹Kanyøgø dwør Wuuö Jwøk awïnynya ni cwötö ki dwøl mo dwøŋ ni kööe, ni «Käl jiy kany moa näk ajäla mar pääny ocïp ceŋge, ni ŋati man nø gïr leny mare ena cere.»

²Køøre aani, jiy abïciel ma cwøw aputa joot ni ge cäänhnhö ki dhi kiir mana en jï maal na en jï løø wï-piny ki øt Jwøk, ni ŋati man nø cere da gïr leny mar näk. 'Ba buut jøøgø da dhaanhø mør mo oruyö ka abïï ma lïïna mo käädö ki jap göör. Ni öge ni cuŋge deŋ gïn wø cïp olämme bääte na näk tïïc ka nywïënyö ma jwïël.

³Køøre ajiem mar Jwø Icriel aö maal ki kanya en yie bäät kirubëlli, ni ci bäät thudhi mana en dhi øt Jwøk. Køøre Wuuö Jwøk, ŋata näk oruyö ka abïïk lïïna ni wø käär jap göör ni ee twöö piere acwøle.

⁴Kanyøgø Wuuö Jwøk aköö jïre, ni «Ciï ni wïrï dï pääny Jerucalem bäre, ni kïthï täärnyïm jiy ki ŋïï, ni beege jøøa näk cwïnyge opädhö ni wø bëëdö ni ge cooyø ki jammi moø ni reyø ni tïïc yie yøø.»

⁵'Ba eni jøø na abïciel acäänne thuwø ni wïnyö jïra, ni «Cou køør ŋatøgø na jääŋŋa en dï pääny, ni 'nägu jiy; 'ba cwïnynyu kär pädhö ki gïrge, ni ba warru cwïnynyu ki geni.

⁶'Nägu geni ni bäŋgø mo dööŋ, ki mano täge ki jäle, ko obwöre moa näk wøpe, ki nyïïakuue, ko obwöre moa therø, ki mään; 'ba jøøa näk täärnyïmge da ŋïï kär gutu. 'Ba wär tägu ki øt lam mara.» Køøre aputge täk ki jø døøŋŋø moa en nyïm Øt Jwøk.

⁷'Ba Wuuö Jwøk aköö jïge, ni «Tïïyu Øt Jwøk ni ba waany ki rïŋ dëët jiy moa no othøw, ni pääŋŋu dï kal ki ge. Tägu nø!» Kanyøgø gena put aay ni cige wøk ni putge jiy 'näk moa en dï pääny.

⁸'Ba kanya bëëtge ni ge nääö ki jiy, ni aano dööŋ keera buut Wuuö Jwøk, dëëra aleeŋa piny ni jwöŋa, ni kööa, «?Wui Kwäärö Wuuö Jwøk, ki køør wëër marï mana kïthï bäät Jerucalem, jø Icriel moa bøth dhøk gïï mo leth raanynyï raanynyø bëët?»

⁹Køøre aløøe jïra ni kööe, ni «Raay atïmö ni thööth døc kiree dhi øt Icriel ki dhi øt Juuda, ni ŋøøm päŋ ki rem jiy, ni ö dï päänynyi ni pääŋe ki gïï mo reyø; ni ge köö, ni ‹Wuuö Jwøk ŋøøm awiie, ni eni ba nëënö thuwø!›

¹⁰'Ba aani cwïnya ba pädhi ki gïna tägö dëëtge, ni ba wiia geni, 'ba tïïe moge na reyø dwøga wïthge.»

¹¹Køøre ŋata näk oruyö ka abïïk lïïna ni wø käär jap göör ni ee twöö piere aduuö ni kööe, ni «Gïna köömmï aani ki gø anø tïïa.»