Read anuak Odheea 3 Bible Online

Odheea 3 - anuak bible

Odheea 3

¹Køøre Wuuö Jwøk aköö jïra, ni «Ciï ni cäŋï mëër marï nyoothø jï cïïï, këël na bëëde ni mëër ki cwøw møøk ni bëënna käp. Beerra man mëërï ki gø, kaawat mana tïïc Wuuö Jwøki ni bëëde ni mëër ki jø Icriel, këël na bëëtge ni ge lämö ki juu møøk, ni ge mëër ko omøki moa no omiiø na dhøgi na näk ocïbö no olämme.»

²Kanyøgø nyaanøgø aputa wïïl wøk ki gwet-bïrö ma apaar kurbïïc mo røm ka rumi man wø cwøl ni cekel, ki beel mo wø cwøl ni gäbci[6] mo røm ka rumi man wø cwøl ni kömer[7] mo yie aciel ki thääŋö.

³Køøre ena cäänna ni kööa, ni «Bëëdï ki aani nø ki nïne mo thööth, ni ba gathï dëërï, ni ba ciï baŋ dïcwøø mør këët ki man butï ki gø, ni ba butï ki aani thuwø.»

⁴Kiper jø Icriel geno bëëdö ki kany mo bäär ni bäŋ nyeya ki kwäärö, wala olämme, wala kïte moa no ocwöth piny na gïï lam, wala ëëput[8] mana näk gïr lam, wala juu møøk mo di lamø.

⁵'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.