Read anuak Joona 2 Bible Online

Joona 2 - anuak bible

Joona 2

¹'Ba Joona alämö jï Wuuö Jwøk, Jwøk mare, ni eni ena yi rëëö.

²'Ba kanya läme ena köö, ni «Wuuö Jwøk acøøra naa ena yi gïn mo leth, ni løk mare jïra; ni rëëda kiper køny naa ena kar bëët jwïëc jøøa no othøw, ni wïny dwøra.

³Kiper ï na Wuuö Jwøk, aana leeŋï kanya päŋ tier kut mar dï naama dwøŋ, ni ö pïïyi ni nigejïk bääta, ni bëët athage marï na teek ni cööya pïï bääta.

⁴Ni cäda, ni ‹Aana wetï nø ni tïma naa tøør nyïmï. 'Ba øt lam marï na en kur keere poot cäŋa ka neennø.›

⁵Pïï aana rïëpge piny møn, naa ena tier kut kanya päŋ, ni ö gïïa no otuy tiet pïï yi naam ni meenge wïïa.

⁶Aana nilïŋ piny tiet kïte, ni ö pinynyi ni cïëk ree bääta na bäre bäre. 'Ba ï na Wuuö Jwøk, Jwøk mara, aana cäŋï käl wøk ki yi bwörö.

⁷«Kanya bëëda ni bääta opädhö, wïïa aputa caar ki ï na Wuuö Jwøk, ni ö lammi mara ni pïïe baŋï yi øt lam marï na en kur keere.

⁸«Jøøa wøør juu mo bäŋ gïn duuge, ge luua ŋäthge baŋï, ï ni wø nyooth mëër mo ba jøøl.

⁹'Ba aani, a cïpö jïrï ko olämi ni pwøa ïïni ki duut mar dwøk met ec, ni coola gïna kööŋa kipere. Køny joota baŋï, ï na Wuuö Jwøk.»

¹⁰Køøre Wuuö Jwøk rëëö aput köömmö, ni ö rëëe ni ŋöö Joona wøk kanya näk otal.