Read anuak Joona 3 Bible Online

Joona 3 - anuak bible

Joona 3

¹'Ba dwør Wuuö Jwøk acäŋ ö bäät Joona ri rietge ni kööe,

²ni «Ö maal ni ciï Nineba, päänya dwøŋ, ni køpï dwøro caana jïrï yie.»

³Køøre Joona aput ö maal ni ci Nineba ki køør dwør Wuuö Jwøk. 'Ba Nineba beeye pääny mo dwøŋ døc, ni ki man ŋøl dïëre känna wøk ki nïne adäk.

⁴Køøre Joona atägö ki man caath dï päänyögø ki dïcäŋ aciel bäre, ni rëëdö, ni «Ennø, dööŋŋa nïne ma pïëraŋween keerge nee Nineba raanynyi.»

⁵'Ba jø Nineba dwør Jwøk aŋääthge, ni gööcge piny ka awaaci mar wödö, nee ba cämge, ni røøge keece dëëtge na abïïe, ni tägi ka jøøa kwörge døøŋŋø këël jøøa näk kwörge bäŋgø.

⁶'Ba kanya ö dwølli na pïïe baŋ nyeny Nineba, ena put ö maal ki bäät wälu mare ni gööny abïïne wøk ni røø keeca dëëre na abïï ni pï yi bur.

⁷Ni cïpe ki dwøl dï Nineba mo køp, ni «Man beeye dwøl mana cïp nyeya ki jø kööre moe, «ni ‹Kär dee dhaanhø ki lään paac, teeŋ ka dhäk ki dïëk, mo bïti ki gïrpiny. Kär dee gø mo cämö wala mo mädhö ki pïï.

⁸'Ba jiy ki lääy keece wär bëëtge ni ena dëëtge, ni ö jiyi ni jwöŋge døc dëër Jwøk, ni ö ŋati man nø ni løk ree ni wec jöör raay moe ki gïïa reyø ni wø tïïe ki ceŋŋe.

⁹Aŋa ni ŋäc gø, kanymør Jwøk dëëre di luuö ni war cwïnye, ni paany wëër mare bäätø ni wø liel kaamar maac, kiper nøø ba thøø.› »

¹⁰'Ba kanya ö Jwøki na joot gïna tïïcge, ni beeye jöö mana løkge rege ki gø na wecge jöör raay moge, Jwøk cwïnye aput war ki gïna leth na caane ni käle bäätge, ni käre gø tïïö.