Read anuak Joona 4 Bible Online

Joona 4 - anuak bible

Joona 4

¹'Ba Joona yie atïmö ni raac døc ki gïna tägö ni put gootø.

²Ni läme jï Wuuö Jwøk ni kööe, «?Wui Wuuö Jwøk, aŋø, manøgø patha gïna caana kanya pooda naa ena powa? Beeye tiere na reŋŋa Tarcëc, kiper ŋääa ni ïïna Jwø wø nyooth met ec, ni ïïna Jwø mëër, niï bäŋ wø laar wëër, ni mëër marï päl ni ba jøøl, ni cwïnyï wø warï warø ki gïn mo leth.

³'Ba ennø, wui, ï na Wuuö Jwøk, a kwaya ïïni, lwør jwïëya, kiper theemma thøø jïra ki man bëëda naa kwøw.»

⁴'Ba aløk Wuuö Jwøki, na «?Aŋø, beeye gïn mo beer jïrï ki man gootï?»

⁵Køøre Joona adøny wøk ki yi pääny ni pï piny jï løø kur tuul-cäŋ. Ni gëën dëëre ka abïla kaace, ni pï piny tïm gø ni koora gïno tägi ri pääny.

⁶Køøre Wuuö Jwøk acïpö ko olïïrö deŋ Joona, ni wëëk gø døøŋŋø kiper nee tïme na tïpö bääte, kiper nee kunynye ki man dwøk gootø mare piny. Køøre Joona yie amïnnö døc kiper olïïrö.

⁷'Ba kanya tïme na amöölla maya, kanya ruu øwi, Jwøk akännö ki twöŋö ni raany olïïrö, ni ö olïïrö ni put närö.

⁸'Ba kanya ö cäŋŋi maal, Jwøk akännö ki jamø mo lïëth ki jï løø kur tuul-cäŋ, ni ö cäŋŋi ni gøøc Joona, ni tïm wïïe ni wïïrö, ni päc dëëre thøø, ni kööe, ni «Theemma thøø jïra ki man bëëda naa kwøw.»

⁹'Ba Jwøk aköö jï Joona, na «?Aŋø, beeye gïn mo beer jïrï ki man gootï kiper olïïrö?» Ni løk gø, ni «Kare, beeye gïn mo beer jïra ki man goota ki gootø maa manynya thøø.»

¹⁰Køøre aløk Wuuö Jwøki, ni «Raŋï, cwïnyï apädhö kiper olïïrö, mo bäŋ gïn mo iï tïïö kipere, mo kärï wëëk pïth, mo tuy ka wäär aciel keere, ni put ränynyö ki wäär aciel.

¹¹?A aani, cwïnya a ba dee pädhö nidïï kiper Nineba, päänya dwøŋ na näk yie da jiy mo kaala kume ma dïpa ki pïërariiø, jøøa näk bäŋ gïn mo ŋäcge ki man gaage bäät cwïcge ki bäät cämge, na näk jïge da dhäk mo thööth thuwø?»