Read anuak Kwään Jiy 2 Bible Online

Kwään Jiy 2 - anuak bible

Kwään Jiy 2

¹Wuuö Jwøk acäänö ki Modhe ka Aran, ni kööe,

²«Jø Icriel wär tïïge ki twëëre, ni ŋati man nø bëëdö tier bëëra mar lwaak mare, ni ge ena tiet bëëre mo dhøk uut wëëkge. Twëëre moge wär tïïcge ni ege jädhö mëëth ki lak oduŋkaany røømmø.

³«'Ba jøw otïïc twïër marge tier bëëra marge løø oduŋkaara jï løø kur tuul-cäŋ wär tïmge na lwaa nyïïkwaac Juuda. Dïbwödhi mar lwaa nyïïkwaac Juuda beeye Nacøn wär Aminadap.

⁴Kwään jiy mo lwaak mare beege jiy ma kume ma pïërabïriiø kurŋween ki dïpe abïciel.

⁵«Ni jøw otïïc twïër marge buute beege jø tuuŋ Icakar; ni dïbwödhi mar lwaa nyïïkwaac Icakar beeye Natanel o Dhuar.

⁶Kwään jiy mo lwaak mare beege jiy ma kume ma pïërabïïc kurŋween ki dïpe aŋween.

⁷«Køøre beeye jø tuuŋ Dhebulan; ni dïbwödhi mar lwaa nyïïkwaac Dhebulan beeye Eliap o Këëlön.

⁸Kwään jiy mo lwaak mare beege jiy ma kume ma pïërabïïc ka abïriiø ki dïpe aŋween.

⁹«Kwään jiy bëët moa en tier twïër Juuda ki yïth lwaae moge beege jiy ma kume ma dïpa aciel ki pïërabära ka abïciel ki dïpe aŋween. Ni beege geni noo tïŋ wääth dïkwøŋ.

¹⁰«'Ba jøw otïïc twïër marge tier bëëra marge jï løø tier-piny ko oduŋkaara wär tïmge na lwaa nyïïkwaac Ruben; ni dïbwödhi mar lwaa nyïïkwaac Ruben beeye Elicuur o Cediyör.

¹¹Kwään jiy mo lwaak mare beege jiy ma kume ma pïëraŋween ka abïciel ki dïpe abïïc.

¹²«Ni jøw otïïc twïër marge buute beege jø tuuŋ Cimien; ni dïbwödhi mar lwaa nyïïkwaac Cimien beeye Celumiel o Curicaday.

¹³Kwään jiy mo lwaak mare beege jiy ma kume ma pïërabïïc ka abïŋween ki dïpe adäk.

¹⁴«Køøre beege jø tuuŋ Gaat; ni dïbwödhi mar lwaa nyïïkwaac Gaat beeye Eliacap o Raguël.

¹⁵Kwään jiy mo lwaak mare beege jiy ma kume ma pïëraŋween kurbïïc ki dïpe abïciel ki pïërabïïc.

¹⁶«Kwään jiy bëët moa en tier twïër Ruben ki yïth lwaae moge beege jiy ma kume ma dïpa aciel ki pïërabïïc kurciel ki dïpe aŋween ki pïërabïïc. Ni beege riet lwaak mano tïŋŋi køør lwaak mano bwøth maal.

¹⁷«Køøre jø otïŋŋi dïër beege jø tuuŋ Libay, ko oduŋkaany røømmø. Lwaae bëët otïŋŋi ki køør cïïmmö mana cïïm ge ki gø yïth twëëre moge, ni jøøi nø cäädhi ka tier bëëra marge.

¹⁸«'Ba jøw otïïc twïër marge tier bëëra marge løø oduŋkaara jï løø kur pänh-cäŋ wär tïmge na lwaa nyïïkwaac Ipariem. Dïbwödhi mar lwaa nyïïkwaac Ipariem beeye Elicama wär Ammiyut.

¹⁹Kwään jiy mo lwaak mare beege jiy ma kume ma pïëraŋween ki dïpe abïïc.

²⁰«Ni jøw oen buute beege jø tuuŋ Maneeca; ni dïbwödhi mar lwaa nyïïkwaac Maneeca beeye Gameeliel o Pedacur.

²¹Kwään jiy mo lwaak mare beege jiy ma kume ma pïëradäk kurriiø ki dïpe ariiø.

²²«Køøre beege jø tuuŋ Benjamen; ni dïbwödhi mar lwaa nyïïkwaac Benjamen beeye Abidan o Gidiöni.

²³Kwään jiy mo lwaak mare beege jiy ma kume ma pïëradäk kurbïïc ki dïpe aŋween.

²⁴«Kwään jiy bëët moa en tier twïër Ipariem ki yïth lwaae moge beege jiy ma kume ma dïpa aciel ka abära ki dïpa aciel. Ni beege dää lwaak mano tïŋŋi.

²⁵«'Ba jøw otïïc twïër marge tier bëëra marge jï løø wï-piny ko oduŋkaara wär tïmge na lwaa nyïïkwaac Daan. Dïbwödhi mar lwaa nyïïkwaac Daan beeye Akiedhar wär Amicaday.

²⁶Kwään jiy mo lwaak mare beege jiy ma kume ma pïërabïciel kurriiø ki dïpe abïriiø.

²⁷«Ni jøw otïïc twïër marge buute beege jø tuuŋ Acer; ni dïbwödhi mar lwaa nyïïkwaac Acer beeye Pagiel wär Okaran.

²⁸Kwään jiy mo lwaak mare beege jiy ma kume ma pïëraŋween kurciel ki dïpe abïïc.

²⁹«Køøre beeye jø tuuŋ Naptali; ni dïbwödhi mar lwaa nyïïkwaac Naptali beeye Akira wär Enan.

³⁰Kwään jiy mo lwaak mare beege jiy ma kume ma pïërabïïc kurdäk ki dïpe aŋween.

³¹«Kwään jiy bëët moa en tier twïër Daan beege jiy ma kume ma dïpa aciel ki pïërabïïc ka abïriiø ki dïpe abïciel. Ni beege aŋuun lwaak mano tïŋŋi tiet bëëre moge.»

³²Jøøgø beege jø Icriel bëët moa näk okwaanø ki køør dhøk uut wëëkge. Kwään jiy bëët moa näk okwaanø ki yïth twëëre ki køør lwaae moge beege jiy ma kume ma dïpe abïciel ka adäk ki dïpe abïïc ki pïërabïïc.

³³'Ba jø tuuŋ Libay kär kwaan røk jø Icriel møga, kaawat mana ö Wuuö Jwøki na kööm Modhe.

³⁴Køøre gïïögø bëët atïïc jø Icrielli, ni cïïmge twëëre moge na kwörge tiet bëëre moge, ni tïŋge ni tuuŋi nø cäädhi ka køør dhøk uut wëëkge, kaawat mana ö Wuuö Jwøki na kööm Modhe.