Read anuak Milkiya 4 Bible Online

Milkiya 4 - anuak bible

Milkiya 4

¹'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

²'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

³'Ba dïcäŋo tïïa gïnögø yie, jøøa reyø na näk onø tïmö na bur onyøru ki tietu.» Gïnögø caana Wuuö Jwøki, eni na wïth jammi bëët.

⁴Ni cäŋ köö, «Parru wïthu ki ciik dhaanhnha ma Modhe, ni beege gïïa cema ki pwöc moa cïba jïre kiper jø Icriel bëët bäät Kïn Körëp.[3]

⁵«'Ba kanyo poode ni dïcäŋ mara, a na Wuuö Jwøk, poot kär öö, ni beeye dïcäŋo täk gïïa døøŋŋø yie, noo lwäärö ki gø, nyikugö mara ma Ilaaja ojääŋŋa baŋu.

⁶Ni ö eni ni løø cwïny wëëe baŋ obwöre, ni løø cwïny obwöre baŋ wëëkge, kiper naa ba ööa ni raanynya pou.»