Read anuak 1 Körin 5 Bible Online

1 Körin 5 - anuak bible

1 Körin 5

¹Wui, akøp ni da käp dïïu, mo teeŋe kär kwøŋ joot këël dï jøøa kuc luum Jwøk na bäre bäre. Kiper akøp ni da dhaanhø mo bëëdö ka cï wänni.

²?Aŋø, u dou poodø nou poot töödö nø, ni maru paa kïmmö? Wär eni na tïïc gïnögø cööru wøk dïïu.

³'Ba këël na tøøra buutu, cwïnya poot lääŋŋa uuni, ni mara anø ŋøla piny bäät ŋata tïïc teeŋ gïnögø, bëëtka a ena buutu.

⁴'Ba cäŋo cooŋŋu dëëtu ki nyeŋ Kwääyø ma Jecu, ni cwïnya ena baŋu ki teek Kwääyø ma Jecu,

⁵ŋatøgø wär wëëgu Ceethan, nee dëëre raanynyi, kiper nee jwïëye jïte ki pïëm yi dïcäŋo näk cäŋ Kwäärö ma Jecu.

⁶Atöör maru ba beer. ?Kuyu ni thømmø mo thiinh møø bäre mo ocoodø wø wänynyö ki gø?

⁷Kälu thømmø mana näk oruuö wøk, nou tïmu nou caala dhääth mo nyään, keda mana nø tïmu nou caala møø mo bäŋ thømmø. Kiper Krictø na näk nyidiel marø mar Cäŋa Pööth Thøøe Yie anø 'näk.

⁸Kiper manøgønø, beerra man gwøø cäŋ cam ajwöma manøgø, ni paa ki thømmø mana näk oruuö, na näk thøm anyääk ki raay, 'ba beeye møga näk bäŋ thømmø na näk adïëri ni bäŋ atade.

⁹'Ba aana göönnö jïïu ki wëëlö ni käru dwätö ki jiy ma kääpe,

¹⁰naa ba caan käp mar jø pinyi en, wala jø wärö, ki dïtwïët jap jiy, wala jø wø lam juu møøk. Kiper onää enøgønø, u doo dak pinyi.

¹¹'Ba mana gööra jïïu beeye en, ni käru dwätö ki dhaanhø mo ocwølø ni cöögö ni näk eno bääyö ki käp, wala wärö, wala lama juu møøk, na ŋat ajaany, wala ŋat meeye, wala dïtwïëdi. Këël cam, u ba doo cämö ki teeŋ ŋat ma enøgønø.

¹²Kiper paa tïïc mara ki man ŋøla luum jøøa path. Beeye jøøa en ya acooŋ Jwøk keerge na luumge dou ŋøl piny.

¹³'Ba Jwøk beeye wø ŋøl luum jøø ni path yøø. Riemmu ŋatøgø wøk dïïu na ŋat raay enø.