Read anuak 1 Thecalönika 1 Bible Online

1 Thecalönika 1 - anuak bible

1 Thecalönika 1

¹Aana Pøøl ki Cilbana[1] ki Timöthi, a göönna baŋ acooŋ Jwøk mar jø Thecalönika na en ri Jwøk na näk Wuuö, ki Kwäärö ma Jecu Krictø. Met ec ki bëët-mëër bëëde bäätu.

²'Ba met ec wø dwøkwa dwøgø cooth jï Jwøk kiperu bëët, ni wa cara nyeŋŋu cooth yïth laam mowa.

³Ni wa lääŋŋa tïïc maru nyïm Jwøø na näk Wääø, ni wø tïïyu ki køør ŋäädhe, ni uuno ööl ki køør mëër, nou bëëdö ni dëëtu you maaø ri ŋäädhe mana ŋääthu Kwääyø ma Jecu Krictø.

⁴Kiper ŋäcwa, nyïïmera, ni Jwøk mëër ki uuni, ni jier uuni.

⁵Kiper luumwa na nyään na met kär ö baŋu na luubö keere, 'ba aöö ki teek thuwø ki ri Jwïëc Jwøk na en kur keere, na caanwa na gïn mo ŋäcwa døøc. Ni ŋäyu gø ki man näk a teeŋ bëëtö mo nyïëdi na beetwa dïïu, na kønywa uuni.

⁶Ni tïmu nou ŋwaala marwa ki mar Wuuö, ni jïëyu luummögø yïth gïïa leth døc, ni yïthu met ki met ec mana cïp Jwïëc Jwøki na en kur keere.

⁷Ni tïmu ni uuna nyuudhi jï jøøa näk ojïëy bëët yi Macedönia ki ya Akeea.

⁸Kiper patha jø Macedönia ki jø Akeea keerge na wïny luum Wuuö baŋu, 'ba luum ŋäädhe maru na ŋääthu Jwøk, apööth kany mo bäär, ni bäŋ gïn mo caanwa kipere këët.

⁹Kiper geni ki dëëtge ge wø cäänö kiperwa, ni waana pänhnhu døc kanya bëëtwa dïïu, na ö uuni na løøu rou baŋ Jwøk, ni weyu juu, ni tïmu nou tïnynya Jwøk mana kwøw, na näk adïëri,

¹⁰nou koora duun Wääde ma Jecu ki maal, ŋata tïŋ maal ki yi thøø, ni beeye ŋato piem øøni ki wëër mano ööi.