Read anuak Jøcua 15 Bible Online

Jøcua 15 - anuak bible

Jøcua 15

¹'Ba kanya pääŋ ŋøøm ki køør ŋïïce mo wø tïïc ki ri kwääk ki baw, ŋöömö mana ci jï jø tuuŋ Juuda ki køør dhøk uudi moge kïïö ka ŋööm Ëdöm, ni rwöpa dï paap Dhïn, na aŋuunne beeye Nëgëp na en jï løø tier-piny.

²'Ba waŋ keew marge ki jï løø tier-piny tägi ka aŋuun weel Naam Acäbö na en jï løø tier-piny thuwø.

³Køøre waŋ keew manøgø acør thuur Akirabim na en jï løø tier-piny, ni pöödhe ni coonya kanya cwøl ni Dhïn. Køøre acäŋ aay ni pääny Kadëc-Bernia ee wii bäät cwïïc, ni coonya Eedharan ni put pööth Adar, ni gøn ree ni coonya Karka.

⁴Ni cäŋ pöödhö ni coonya Acimön ni päth yi waŋ Ijep, ni put ŋuudö yi naama dwøŋ. 'Ba manøgø beeye waŋ keew mar jø tuuŋ Juuda, na put tïmö na waŋ keew mar jø Icriel mana en jï løø tier-piny.

⁵'Ba waŋ keew mana en jï løø kur tuul-cäŋ beeye deŋ Naam Acäbö bäre këël mana pïïe kanya pänh Naam Jördan ki yie. 'Ba keew ki jï løø wï-piny tägi ka weel Naam Acäbö ni beeye kanya pänh Naam Jördan ki yie.

⁶Køøre keew manøgø aay ni pïïe pääny mana cwøl ni Bëëth-Ogla, ni pöödhe ni pääny mana cwøl ni Bëëth-Araaba ee wii bäät caam, ni put aay ni coonya kïdi mana no ocaa ri Böwan nyikwaar Ruben.

⁷Ni ö keewi manøgø ni put aay ki Goor Akör ni coonya Dabëër, ni gøn ree jï løø wï-piny ni coonya Gëëlilöt na näk dïët ki jöör Adumim, na en løø gool bäät caam. Ni pöödhe ni coonya jøøro mana cwøl na Ayn-Camic, ni put pïï jøøro mana cwøl na Ayn-Rögëël.

⁸Køøre keew acäŋ aay ki Goor Ben-Inöm ni coonya deŋ kïdi mana bëët pääny jø Jeebuc bääte, ni beeye Jerucalem, ni keew cøra jï løø tier-piny; ni aae ni coonya wï kïdi mana en buut Goor Inöm jï løø kur pänh-cäŋ, na en ya aŋuun Goor Rapayim na en jï løø wï-piny.

⁹'Ba ki mana täge ki wï kïdi kaagø, keew akööm ni aae ni coonya jøøro mana en kanya cwøl ni Nëëptö, ni pöödhe ni coonya päänye moa en bäät kïnna cwøl ni Ëprön. Køøre keew acäŋ köömmö ni aae ni coonya pääny mana cwøl ni Baala ni wø cwøl ki kwör møøk ni Kiriat-Jeerim.

¹⁰'Ba keew ree agøn jï løø kur pänh-cäŋ ki Baala ni aae ni coonya kïnna cwøl ni Cëër, ni pööth deŋ kïnna cwøl ni Jeerim ni pääny mana en bääte cwøl ni Kicalön ni keew cøra jï løø wï-piny, ni løøc piny ni coonya pääny mana cwøl ni Bëëth-Camic, ni put pööth pääny mana cwøl ni Temna.

¹¹Ni ö keewi ni pöödhe ni coonya deŋ kïnna en buut Akarön ni cøra jï løø wï-piny. Køøre keew akööm ni aae ni coonya pääny mana cwøl ni Cekrön, ni pöödhe ni coonya Kïn Baala ni put pööth pääny mana cwøl ni Japniël, ni ö keewi manøgø ni put ŋuudö yi naama dwøŋ.

¹²'Ba keew ki jï løø kur pänh-cäŋ beeye deŋ naama dwøŋ bäre. Moøgø beege nyeŋ keee moa en deŋ ŋöömö mana ci jï jø tuuŋ Juuda ki køør dhøk uudi moge.

¹³'Ba kaawat mana caani ya Wuuö Jwøki jï Jøcua, eni na Jøcua enø, pääny mana cwøl ni Kiriat-Arba acïbe jï Kalëp o Jöpöni na gïno dööŋ na kure yïthakic jø tuuŋ Juuda, ni ö nyeŋ pääny manøgø ni cwøli ni Keeprön. 'Ba ŋata cwøl na Arba, na kwøŋ pääny manøgø caa ree, beeye kwar jø Anak.

¹⁴'Ba Kalëp jø tuuŋ nyïïkwaac Anak ariem wøk kaace; ni jø tuuŋ nyïïkwaac Anak moøgø beege jø tuuŋ Cëëci ki jø tuuŋ Akimen ki jø tuuŋ Thalmay.

¹⁵Køøre Kalëp aci baŋ jiy moa bëëdö Dabëër nee këëde ki ge. 'Ba nyeŋ Dabëër mana dïkwøŋ beeye Kiriat-Cëëpïr.

¹⁶'Ba Kalëp aköö jï jø leny moe, ni «Ŋato këëdi ki jø Kiriat-Cëëpïr, ni mac pääny marge, nyaara ma Akca kiree cïba cïbö jïre nee nywøme.»

¹⁷'Ba Götönial nyikwaar jø Kënec, na näk owää Kalëp, pääny manøgø amaae; ni ö Kalëp ni cïp nyaare ma Akca jïgø nee nywøme.

¹⁸'Ba na tïme na ri nywöm kanya kïth Akca po cwøre ma Götönial, eni na Akca enø yi cwøre acoone nee wänni ma Kalëp pëënynyi ki ŋøøm mo dööŋ jïge. Køøre Akca aput ci baŋ wänni ma Kalëp ni eth piny ki bäät arëën mare; ni kö wänni jïgø, na «?Agïnaŋø ni manynyï?»

¹⁹'Ba Akca aköö jïgø, ni «Mooc aani ki muuy mo yia mïnnö ki gø; ennø, kaawat mana nø cïpï ŋøøm mo Nëgëp jïra na näk bäŋ pïï yie, a kwaya ïïni naa mooyï ki jøør mo pïï.» Køøre Kalëp jøør mo pïï moa en yïth ŋøøpøgø, ni beege moa en jï maal ki moa en jï piny, aput cïp jï nyaare ma Akca.

²⁰'Ba moøgø beege ŋøøm moa ci jï jø tuuŋ Juuda na ŋöömmo dööŋ jïge na kurge ki køør dhøk uudi moge.

²¹'Ba päänye mo jø tuuŋ Juuda na en yi ŋöömö marge jï løøa näk kïïö ki Ëdöm ki jï løø tier-piny beege Kapcël, ka Adër, ki Jagur,

²²ki Kina, ki Dimöna, ka Adäda,

²³ki Këdëc, ka Adhör, ki Yitnan,

²⁴ki Dhip, ki Thëlem, ki Bealöt,

²⁵ka Adhör-Adata, ki Kiriöt-Adhör,

²⁶ka Amam, ki Cema, ki Mölada,

²⁷ka Adhar-Gada, ka Acmön, ki Bëëth-Pëlët,

²⁸ka Adhar-Cuwal, ki Bëërcïïba, ki Bijiyötiya,

²⁹ki Baala, ki Iyim, ka Acëm,

³⁰ki Eltölat, ki Kicil, ki Örma,

³¹ki Ciklak, ki Matmana, ki Cancana,

³²ki Libawöt, ki Cilim, ka Ayn, ki Rimön; 'ba päänye moøgø bëët beege pïërariiø ka abïŋween ka atude moge moa en buutge.

³³'Ba päänye moa en yi ŋöömma näk ree ee päärö beege Ëctaöl, ki Dhöra, ka Acena,

³⁴ki Dhanöwa, ka Ayn-Ganim, ki Tapuwa, ki Enam,

³⁵ki Jërmut, ka Adulam, ki Cökö, ka Adhëka,

³⁶ki Caarayim, ka Adithayim, ki Gedëra, ki Gedërötayim; ni beege päänye apaar kurŋween ka atude moge moa en buutge.

³⁷Ki Cinan, ka Adaca, ki Mikdal-Gaat,

³⁸ki Dilän, ki Micpa, ki Jökthiël,

³⁹ki Lakic, ki Böckat, ki Ëglön,

⁴⁰ki Kebön, ki Laamac, ki Kitlic,

⁴¹ki Gedëröt, ki Bëëth-Dagön, ki Nayma, ki Mekëëda; ni beege päänye apaar ka abïciel ka atude moge moa en buutge.

⁴²Ki Libana, ki Ëtëër, ka Acan,

⁴³ki Eptay, ka Acena, ki Necip,

⁴⁴ki Kïïla, ka Akdhip, ki Marëca; ni beege päänye abïŋween ka atude moge moa en buutge.

⁴⁵Ka Akarön, ka atude moe moa en buute,

⁴⁶ka atude bëët moa en buut Acdöt, ni tägi ka Akarön këël mana këët deŋ naama dwøŋ.

⁴⁷Ka Acdöt, ka atude moe moa en buute; ki Geedha, ka atude moe moa en buute; na atude moøgø oput këët buut waŋ Ijep ki deŋ naama dwøŋ, ni beeye kwöra cør waŋ keew yïthge.

⁴⁸'Ba päänye mo mïëya en bäät kïte beege Camir, ki Jatir, ki Cökö,

⁴⁹ki Dana, ki Kiriat-Caana ni beeye Dabëër,

⁵⁰ka Anap, ki Ëctemöa, ka Anim,

⁵¹ki Göcën, ko Olön, ki Gilø; ni beege päänye apaar kurciel ka atude moge moa en buutge.

⁵²Ka Arap, ki Duma, ki Ëcän,

⁵³ki Janim, ki Bëëth-Tapuwa, ka Apëka,

⁵⁴ki Umta, ki Kiriat-Arba ni beeye Keeprön, ki Ciør; ni beege päänye abïŋween ka atude moge moa en buutge.

⁵⁵Ki Maøn, ki Karmël, ki Dhip, ki Jötha,

⁵⁶ki Jedhriel, ki Jökdäm, ki Dhanöwa,

⁵⁷ki Kayin, ki Giba, ki Temna; ni beege päänye apaar ka atude moge moa en buutge.

⁵⁸Ka Alul, ki Bëëth-Cur, ki Gëdör,

⁵⁹ki Maarat, ki Bëëth-Anöt, ki Eltekön; ni beege päänye abïciel ka atude moge moa en buutge. Ki Tëköa, ki Eeparata ni beeye Bethelem, ki Pëëgör, ki Ëtam, ki Culön, ki Tatam, ki Cörec, ki Cerem, ki Galim, ki Bether, ki Manøcø; ni beege päänye apaar kurciel ka atude moge moa en buutge.

⁶⁰Ki Kiriat-Baal ni beeye Kiriat-Jeerim, ki Raaba; ni beege päänye ariiø ka atude moge moa en buutge.

⁶¹'Ba päänye moa en jï kuna en dï paap beege Bëëth-Araaba, ki Midin, ki Cekaka,

⁶²ki Nipcan, ki Pääny Acäbö, ka Ayn-Gadi; ni beege päänye abïciel ka atude moge moa en buutge.

⁶³'Ba jø Jeebuc, na bëëdö yi Jerucalem, kär løny jï jø tuuŋ Juuda ki man riemge ge wøk; ni ö jø Jeebuc ni putge bëëtö na aciel ki jø tuuŋ Juuda yi Jerucalem këël dïcäŋi en.