Read anuak Tayta 2 Bible Online

Tayta 2 - anuak bible

Tayta 2

¹'Ba ï ki dëërï, pööï ki gïï mo orømø ki pwöc mana näk adïëri.

²Ni köömmï jäle nee bëëtge mëëth, ni rege ege wøørø, ni ge ŋäc cäänö ni wïthge leer, ni geno jïëy ni ŋääthge møn, ni ge mëër, ni ge bëëdö ni teek karge.

³Ni köömmi cïdëëre nee bëëtge na enønø thuwø, ni bëëtö marge wøp, ni ba tïmge na dïwääc nyeŋŋi, wala owär ki kwøŋ. 'Ba ge doo pöö ka gïïa beyø,

⁴kiper nee määrögø ni therø yøø nee pwönyge ki man mëërge ki cwøwge ki nyïïge,

⁵ni bëëtge ni wïthge leer, ni ge ciil ki raay bëët, ni mïëcge ege jiiŋŋø, ni ge mwöl, ni ge wø leŋa luup cwøwge, kiper nee bäŋe gïn mo jøøŋŋi ri luum Jwøk.

⁶Ni köömmï wøpe na enøgønø thuwø, nee dëëtge mänge ki raay.

⁷Ni nyoothï riï ki yïth jammi bëët, nee bëëtö mana beer kwanyge ki køørï. 'Ba kany wø pööï, pööï ki dwøl aciel, na pwöc mo bäŋ tuuk ree,

⁸na pwöc mo bäŋ ŋat mo jøøŋ gø, kiper nee jø ataa nee wïthge lääge kiper noo bäŋe gïn mo raac mo caange ni yøø tïïö.

⁹Ni köömmï laaŋe nee luup kwääri moge leŋge, ni døøcge yïth kwääri moge mo met ki yïth jammi bëët, ni ba duunge kwääri moge ki luup mo reyø,

¹⁰ni ba jel ceŋge ki jammi, 'ba ge doo tïmö na jiy mo di ŋäädhö møn, kiper nee pwöc Jwøk na näk Pïëmi marø, nee tïme ni pwøc ka køørge ki yïth jammi bëët.

¹¹Kiper met yi Jwøk man piem jiy bëët ki gø anyooth,

¹²ni wø pwöny øøni ni wiiø gïïa ba en jöör Jwøk ki gïïa reyø ni wø many cwïnynyø, nee ø bëëdø ni dëëtø yøø mänö ki raay, ni marø beer, ni bëëtö marø pinyi en ena jöör Jwøk,

¹³kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

¹⁴ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

¹⁵Køp gïïögø jïge døøc. Ni köömmï geni ni joogï ge, ni teegï iï nyoodhø jïge, ni bäŋe ŋat mo taak marï.