Read anuak Tayta 3 Bible Online

Tayta 3 - anuak bible

Tayta 3

¹Kööm geni ki man wøørge kwääri ki jøøa jïge da teek, ni bëëtge na dïleŋ luup, ni yïthge met ki man kunyge ri tïïe mo wø beyø bëët, ni cwïnyge leer,

²ni bäŋe ya gïn mo raac mo caange dëër ŋat mør, ni kwierge wëëye, ni tïmge ni ge mwöl, ni tïmge ni jiy bëët ege wøørø na adïëri.

³Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.

⁴'Ba kanya ö Jwøki, eni na Pïëmi marø, na nyooth beenynye ki mëëye,

⁵øøna pieme, ni paa kiper ni da tïïe mo beyø mo yøø tïïö, 'ba ø pieme ka met yie keere, kanya ööe ni lwøk cwïnynyø ni døøc ge mo nyärö, kanya døøc ge mo nyärö ki ri Jwïëc Jwøk na en kur keere,

⁶na cïbe jïïø no opöödhö ki køør Jecu Krictø, eni na Pïëmi marø,

⁷kiper nee ø ŋunni ki met yie, nee ø tïmø ni øøna lwiidhi ri ŋäädhe mar kwøw mana näk adïëri mo bäŋ cuŋŋe.

⁸'Ba luummögø beeye adïëri. Naa manynya ïïni man køpï gïïögø døøc, kiper nee jøøgø no ojïëy ki Jwøk yøø, nee dëëtge makge ki man cïpge cwïnyge køør gïïo beyø na dege tïïö. Kiper gïïögø bee gïï ma wøpe døc, mo jiy kønye kønyø.

⁹'Ba kwier pïëm bøøre, ki luup tiet tuŋi mo kwäre, ki wëëye, ki pïëm tiet luup mo ciik Jwøk. Kiper gïïögø reyø, ni bäŋ gïn duuge.

¹⁰'Ba ni näk da ŋat mo tïïya apääk, noo köömmï gø yie aciel wala ariiø ni luummï ba wïnynye, wär kwierï nø, ni ba dwätï ki gø këët.

¹¹Kiper ŋäyï ni teeŋ ŋatøgø nø cwïnye odak na ŋat raay, ni jääla ree keere.

¹²'Ba kanyo jääŋŋa Artema wala Taykika baŋï, wär dëërï magï ki man laarï ö baŋa yi Nikøpöli. Kiper yaa caarø naa cøøa kunöce, na arïïa thööra kaace.

¹³Mak dëërï ki man kønyï Dhina na näk ŋat wø caan tiet ciik Jwøk, ka Apøla, ki wääth marge, nee bäŋe gïn mo läämö jïge.

¹⁴'Ba beerra man ö jø Jwøki moa en Kariit kaagø man kwanyge tïï gïï mo beyø, nee kany wø dee gïï mo leth mo tägö nee ge wø laarge kunynyö, ni ba bëëtge jaak.

¹⁵'Ba ïïna määth jøøi ni en buuta bëët ii. 'Ba määth jøøgø bëët ni mëër ki waani ki ri ŋäädhe yøø. Met yi Jwøk bëëde bäätu bëët.