Read anuak Ibaru 6 Bible Online

Ibaru 6 - anuak bible

Ibaru 6

¹Kiper manøgønø, beerra man kaalø pwöc man wø kwøŋ dhaanhø pwönynyö ki gø kiper Krictø, ni cøø baŋ pwöc man wø wëëk dhaanhø døøŋŋø ki ri ŋäädhe, ni ø ba nøøc tier løk cwïny man wø løk røk ri tïïe moa en ri thøø, ki mar ŋäädhe man wø en ri Jwøk,

²ki pwöc kiper lwøk dëël na nyuudhi, ki cïp ceŋ bäät dhaanhø, ki duun wøk køør thøø, ki ŋøl luup mana näk ba wiil.

³'Ba gïnögø otïïø noo kö Jwøki.

⁴Kiper jiy mo okwøŋ bëëtö yi tar, mo muuy mana öö ki maal ege belø, ni jïtge ki kurge ri Jwïëc Jwøk na en kur keere, ni belge met luum Jwøk ki teek piny mano ööi, ni näk mo geno gaa wøk, ba løny ki man dwøk ge karge ki man cäŋge cwïnyge løgø. Kiper marge, ge cäŋa O Jwøk nägö bäät jaadha no odëëdö, ni ge wëëga gø buuö.

⁷Kiper ŋöömö man wø maath pï køth man wø päth yie cooth, ni känne ki gïï ma wøpe jï jø wø puuri kiperge, wø gwïëth Jwøki gwïëdhö.

⁸'Ba ni näk tuya koodhi yie ko otwelø, bäŋ gïn mo rømi ki gø këët, 'ba kare cään ka cien ni cuŋŋe beeye waaŋ.

⁹'Ba këël man caanwa gïïögø na enønø, u no omëëcwa, maru poot ewa ŋäädhö ni da gïï mo beyø jïïu, gïï wø en ri pïëm man piem u ki gø.

¹⁰Kiper Jwøk ŋøl mare tiir, ni tïïe mou ba taae, ki mëër mana nyoothu kiper nyeŋŋe kanya tïnynyu jø Jwøk, kaawat man poodu nou tïïya gø enø.

¹¹Ni wa manynya man ö ŋati man nø dïïu, ni put cwïnye cïp køør ŋäädhe mare mar yi nyïm ki teeŋ jöörögø, ni put gø ŋäc na adïëri ki kare bäre, këël cuŋŋe,

¹²nee dëëtu ba tïmge ni peek. 'Ba, nou tïmu nou ŋwaala mar jø wø ci gïïa buuk jïge ki køør ŋäädhe mare ki bäŋ jøømø.

¹³'Ba kanya ö Jwøki na buŋ Eeberam, ena kööŋ ri dëëre keere, kiper mana tïme ni bäŋ ŋat mo dwøŋŋa eni ki eni, mana dee kööŋ ri gø,

¹⁴na kööe, na «Adïëri møn, ï gwïëdha gwïëdhö ni meeda ïïni.»

¹⁵Ni beeye na ci buuki jïre, kiper mana bëëde ni cwïnye ee cïp piny.

¹⁶Kiper jiy wø kööŋ møn, ni ge kööŋŋa ŋëët ŋat mo dwøŋŋa eni ki ge. 'Ba ki yïth pïëm moge bëët, beeye kööŋ wø ŋøl luup piny.

¹⁷Kiper manøgønø, kanya ö Jwøki na many man nyooth mare døøc mano tïïe jï lwiidhi ni wø ci buuki jïge, nee jootge ni luumme ba maar daaø, eni ree aput kïth yie ki kööŋ.

¹⁸Kiper nee øøni na reŋ kar køny nee cwïnynyø cømø døc ki man maaø ŋäädhe mar yi nyïm mana møør nyïmmø, ki køør gïïögø na ariiø yøø na näk ba maar daaø, gïïa näk ba løny jï Jwøk ki man caan luup mo patha adïëri rege.

¹⁹Ni ŋääthögøøni ena jïïø en ni caala alïŋ mar jääy, mo bëëdö kare na gïn ma adïëri kiper kwøw marø, ni beeye ŋäädhe mar yi nyïm man wø pööth yi øtø kuya ya abïïna näk ogëëŋö,

²⁰kanya ci Jecu yie na kwøŋ pïï kiperø, kiper mana tïme ni ena Kwääy Lam Mana Dwøŋ këël na bäre bäre, ni caala Melkidhedek.