Read anuak 1 Jøøn 1 Bible Online

1 Jøøn 1 - anuak bible

1 Jøøn 1

¹'Ba luummi ni göörwa baŋu en, wa gööra luum kwøw, na nut cøøn wïlöölö, na wïnywa, ni neenwa gø ki nyeŋwa, ni neetwa gø, ni mulwa gø ki ceŋwa.

²'Ba kwøw manøgø anyooth, ni neenwa gø, ni wa wø køpa gïre, ni beeye kwøw mana näk adïëri mo bäŋ cuŋŋe na køpwa jïïu ennø, kwøwa nut ki Wuuö na nyooth jïwa.

³'Ba gïna neenwa na wïnywa, wa køpa gø jïïu thuwø, kiper nou dwätu ki waani na aciel. 'Ba dwätö marwa, wa dwäti ka Wuuö ki Wääde ma Jecu Krictø.

⁴Ni luupi ii göörwa kaper nee met cwïny marwa thur kare.

⁵'Ba man en beeye dwøl mana wïnywa baŋe ni køpwa jïïu en, ni Jwøk beeye tar, ni bäŋ kany mo cøl cwïnye bäre bäre.

⁶Ni näk mo ø köö ni øøno dwätö ki eni, ni ø poot cäädhö yi muudhö, ø caana tööt, ni ø ba bëëdö ka bëëtö mana en ra adïëri.

⁷'Ba ni näk mo ø cäädha yi tar, kaawat mare ni en yi tar, øøno dwätö karøbëët, ni rem Jecu na näk Wääde penya øøni yïth raay bëët.

⁸'Ba ni näk mo ø köö ni bäŋ raay dëëtø, ø cøøga røgø, na adïëri ba en cwïnynyø.

⁹'Ba ni näk mo ø bëëdö ni ø køpa raay moø, mare beer ni dwøre ba dak. Eni raay 'moø owiie, ni peny øøni yïth gïïa ba beyø bëët.

¹⁰'Ba ni näk mo ø köö ni ø kär bääyö, ø døøya eni twöt, ni luumme ba en cwïnynyø.