Read anuak Mana Nyooth 4 Bible Online

Mana Nyooth 4 - anuak bible

Mana Nyooth 4

¹'Ba køør gïïögø aana nëënnö, ni jooda dhøk mo ŋaam maal. 'Ba dwøl mana kwøŋa wïnynyö na cäänö ki aani ni caala dwør tuuŋ aköö, ni «Ö maal baŋa kany. 'Ba ïïno nyutha gïïo tägi køør moi ii.»

²Ni put Jwïëc Jwøki ö bääta. Ni jooda wälu no ocïp piny maalø, ni da ŋat mo opï bäät gø.

³'Ba eni na en bääte nëëni keda kïdi mo ŋwaŋŋi ni mïrri. Ni deŋ wälu bäre da daanø mo nëëni keda kïdi mo mar.

⁴'Ba deŋ wälu manøgø bäre da wäle ma pïërariiø kurŋween, ni bäät wätöge da jaae ma pïërariiø kurŋween, mo ge käära abïïe mo tar, ni wïthge da adude ma warkey.

⁵'Ba dëër wällögøøni da agaackøth mo mal, ki dööti, ki køth mo märö. Ni nyïm wällögø da ameethi abïriiø mo liel, na näk beege Jwïëc Jwøk karge bïriedi.

⁶'Ba nyïm wälu manøgø da gïn mør mo keda naam mo dwøŋ mo kede tïïc ka wïlli mo tøŋ døc. 'Ba wällögø na en dïër enø, deŋŋe da gïï ma aŋween mo kwøw mo nyïmge ki ŋäthge ogääbö ki nyeŋ mo raŋ.

⁷Ni mana dïkwøŋ røk gïïo ni kwøw yøø caala ŋuu, ni ö rietge ni caal rwaath, ni dääge, täärnyïme caala täärnyïm dhaanhø, ni ö ŋweerge ni caal coor mo määdö.

⁸'Ba gïïo na aŋween ni kwøw yøø ni dëëtge ogääbö ki nyeŋ ki wøk ki yïthge, man nø dëëre da bwöm abïciel. Ni wärre ki cääŋŋe duut ba cöök dhøkge, ni duut man wø wärge beeye en: «Kwäärö Jwøk na en teeki jïre, ena kur keere, ena kur keere, ena kur keere, ŋata nut cøøn, ni nut en, ni beeye eni no ööi.»

⁹'Ba kany wø ö gïïo ni kwøw yøø wø jiemge eni na näk opï bäät wälu, ni wøørge eni ni dwøkge met ec baŋe, eni ni wø bëëdö ni kwøw këël na bäre bäre,

¹⁰jaae na näk pïërariiø kurŋween ge wø pätha nyïm eni na näk opï bäät wällögø, ni wøørge gø, eni ni wø bëëdö ni kwøw këël na bäre bäre, ni leeŋge adude moge nyïm wällögø, ni wärge,

¹¹ni «Ïïno rømø ka ajiem, ki wödö, ki teek, ï na Kwääywa ni nägï Jwøk marwa. Kiper beeye ïïni na cwääc jammi bëët, ni beeye ki køør mana manynyï na cwääï geni ni bëëtge ni ge nut ii.»