Read bahnar Bl 36 Bible Online

Bl 36 - bahnar bible

Bl 36

¹'Nâu adrĕch adrung Êsâu noh wă khan Eđôm.

²Êsâu chă akăn oei kơ lu adruh lăm char Kanaan, anăn Adah, kon adruh Êlon, bơngai Hêtit; Ohôlibama kon adruh Ana, sâu Sibêôn, gah mĕ sư bơngai Hêwit.

³Păng Basemat, kon adruh Ismael sư oh drŏ-kăn Nêbôyôt.

⁴Adah tơpŭ kơ Êliphas, ăn kơ Êsâu, Basemat tơpŭ kơ Rêuel;

⁵Gah Ohôlibama tơpŭ kơ Jêrus, Jalam păng Kôra. Noh kon drŏ-nglo Êsâu mă tơpŭ lăm char Kanaan.

⁶Êsâu chông lu akăn, lu kon drŏ-nglo, lu kon drŏ-kăn păng lu hnam sư, khŭl sư, khŭl triu, nhŭng iĕr păng lu mŭk tơmam, mă đei jang sa lăm char Kanaan, jăk tơ dêh nai, weh ataih đơ̆ng Jakôp, oh sư.

⁷Yua kơ 'nhŏng oh bre sư đei lơ mŭk tơmam, kon sem dơrong kơdrơ̆m, char mă măr sư oei noh ưh pă mah, teh jang sa kư̆m ưh kơmah, na bre sư ưh pă gơh oei hơdai.

⁸Thoi noh, Êsâu đe krao Eđôm, oei tơ Sier.

⁹Adrĕch adrung Êsâu, bơngai Eđôm, tơpŭ tơ kông Sier.

¹⁰'Nâu anăn lu kon drŏ-nglo Êsâu: Adah akăn sư pơjing Êliphas; Basemat kư̆m akăn sư, pơjing Rêuel.

¹¹Kon drŏ-nglo Êliphas Têman, Êmar, Sêphơ, Gatam păng Kênas.

¹²Tima akăn kơnhŏng Êliphas kon drŏ-nglo Êsâu, pơjing Amalek kơ Êliphas noh sâu Adah akăn Êsâu.

¹³Âu kon drŏ-nglo Rêuel, Nahat, Sêrat, Sama păng Misa. Noh sâu Basemat, kư̆m akăn Êsâu.

¹⁴Păng lu đe âu kon Ohôlibama, akăn Êsâu kon drŏ-kăn Ana, sâu Sibêôn gah mĕ. Sư pơjing ăn kơ Êsâu Jêrus, Jalam păng Kôra.

¹⁵'Nâu lu yŏng kơdră lăm lu kon sâu Êsâu, lu kon drŏ-nglo Êliphas kon kơdră Êsâu, yŏng kơdră Têman, Ôma, Kêna, Jêphô.

¹⁶Yŏng kơdră Kôra, Gatam păng Amalek, Noh jơ̆ lu yŏng kơdră đơ̆ng Êliphas pơjing lăm char Eđôm, lu sư noh sâu Adah.

¹⁷'Nâu lu kon drŏ-nglo Rêuel kon Êsâu: Yŏng kơdră Nahat, Sama păng Misa. Noh jơ̆ yŏng kơdră đơ̆ng Rêuel pơjing tơ dêh Eđôm, lu noh kon sâu Basemat.

¹⁸'Nâu lu kon drŏ-nglo Ohôlibama, akăn Êsâu: Yŏng kơdră Jêrus, Jalam păng Kôra. Noh mă dôm lu yŏng kơdră đơ̆ng Ohôlibama pơjing, akăn Êsâu, kon drŏ-kăn Ana.

¹⁹Noh jơ̆ lu kon drŏ-nglo Êsâu anăn Eđôm păng noh boih lu yŏng kơdră kră tơring lu sư.

²⁰'Nâu lu kon drŏ-nglo Sier, bơngai Hôrit sơ̆ sư oei lăm char noh: Lôthan, Sôbal, Sibêôn, Ana.

²¹Dison, Êser păng Disan. Noh dôm lu kon drŏ-nglo Sier, yŏng kơdră Kră tơring adrĕch Hôrit, oei tơ Eđôm.

²²Lu kon drŏ-nglo Lôthan noh Hôri păng Hêman gah Tima oh drŏ-kăn Lôthan.

²³'Nâu lu kon drŏ-nglo Sôbal, Alwan, Manaha, Êbal, Sêphơ păng Ênam.

²⁴'Nâu kon drŏ-nglo Sibêôn, Aiyah păng Ana. Ana âu boih chă 'bôh glung tơ char 'blach, kơplah sư oei wei aseh Sibêôn, 'bă sư.

²⁵'Nâu kon drŏ-nglo Ana: Dison păng Ohôlibama, Ohôlibama kon drŏ-kăn Ana.

²⁶'Nâu kon drŏ-nglo Dison: Hêmdan, Êsban, Ithran păng Kêran.

²⁷'Nâu kon drŏ-nglo Êser, Bilhan, Sawan păng Akan.

²⁸'Nâu kon drŏ-nglo Disan; Us păng Aran.

²⁹'Nâu yŏng kơdră gah adrĕch Hôrit: Noh Lôthan, Ôbal, Sibêôn, Ana.

³⁰Dison, Êser păng Disan. Noh yŏng kơdră adrĕch Hôrit, oei tơ dêh Sier.

³¹Adrol kơ kon pơlei Isơrael tam mă đei pơtao pơgơ̆r, na 'nâu boih lu pơtao mă pơgơ̆r char Eđôm:

³²Bêla, kon drŏ-nglo Bêôr pơgơ̆r char Eđôm; anăn pơlei tih sư Dinhaba.

³³Pơtao Bêla lôch, Jôbap, kon drŏ-nglo Sêra, bơngai Bôsra tŏk pơm pơtao.

³⁴Jôbap lôch, Husam, bơngai tơring Têman, tŏk pơm pơtao.

³⁵Pơtao Husam lôch, Hađat, kon drŏ-nglo Bêdat, tŏk pơm pơtao. Noh lu pơtao mă blah adrĕch adrung Madian tơ tơmăn Môap jei lu sư; păng anăn pơlei tih sư Awit.

³⁶Pơtao Hađat lôch, Samla, tŏk pơm pơtao sư Marêka.

³⁷Pơtao Samla lôch, Sôl, bơngai Rêhôbôt oei cheng glung, tŏk pơm pơtao.

³⁸Pơtao Sôl lôch, Baal Hanan kon drŏ-nglo Akbôr, tŏk pơm pơtao.

³⁹Pơtao Baal Hanan lôch, Hadat tŏk pơm pơtao. Anăn pơlei tih sư Pau akăn sư Mahêtabel, kon drŏ-kăn Matrot, Matrot kon drŏ-kăn Mêsahôp.

⁴⁰'Nâu boih lu yŏng kơdră đơ̆ng Êsâu pơjing jô̆ kiơ̆ kơ adrĕch, tơring păng akăn kơdih: Yŏng kơdră Thimna, Alwah, Jêthet.

⁴¹Kră tơring Ohôlibama, Kră tơring Êlah, Kră tơring Phinôm.

⁴²Kră tơring Kêna, Kră tơring Thêman, Kră tơring Nepsa.

⁴³Makdiel, Iram, Noh boih lu Kră tơring char Eđôm kiơ̆ oei lăm char sư. 'Bok tơm lu sư noh Êsâu.